ރަމަޟާން މަހުގެ ފުރަތަމަ 20 ދުވަހު, ފިޠުރު ޒަކާތުގެ ގޮތުގައި 4.4 މިލިއަން ރުފިޔާ
އަލްފާ އަލީ
4/3/2024, 12:23:03 PM
-
މިއަހަރުގެ ރަމަޟާން މަހުގެ ފުރަތަމަ 20 ދުވަހުގެ ތެރޭގައި ފިތުރު ޒަކާތުގެ ގޮތުގައި 4.4 މިލިއަން ރުފިޔާ ލިބިއްޖެއެވެ.
އިސްލާމިކް މިނިސްޓްރީން އާއްމުކޮށްފައިވާ މައުލޫމާތުތަކަށް ބަލާއިރު، މި ރަމަޟާން މަހުގެ ފުރަތަމަ 20 ދުވަސް ނިމުނު އިރު ފިތުރު ޒަކާތުގެ ގޮތުގައި 4,499,433 މިލިއަން ރުފިޔާ ވަނީ ލިބިފައެވެ.
ޒަކާތުގެ ތަފްސީލް
އާދައިގެ ހަނޑޫ 760,668ރ
ތައިލެންޑް ހުދު ހަނޑޫ 211,960ރ
ރަތް ހަނޑޫ 59,200ރ
ބާސްމަތީ ހަނޑޫ (އާދައިގެ) 1,019,690ރ
ބާސްމަތީ ހަނޑޫ (މޮޅު) 948,900ރ
ބާސްމަތީ ހަނޑޫ (އެންމެ މޮޅު) 1,347,375ރ
އާދައިގެ ފުށް 59,840ރ
އާޓާ ފުށް 91,800ރ
ޒަކާތު ހައުސްއިން ވިދާޅުވީ، ބަނޑޭރި ޕޭ މެދުވެރިކޮށް ރަމަޟާންމަހުގެ އެންމެ ފަހު ދުވަހާ ހަމައަށް ފިޠުރު ޒަކާތް ދެއްކޭނެކަމަށެވެ. ޢުމުރުން ދުވަސްވީ އަދި އޮންލައިންކޮށް ޒަކާތް ދެއްކުމަށް އަހުލުވެރިނޫން މީހުންނަށް ޚާއްސަކޮށް އިސްލާމީ ކަންތައްތަކާ ބެހޭ ވުޒާރާގެ ހޯލުގައި ޒަކާތް ބަލައިގަތުމުގެ އިންތިޒާމްވެސް ވަނީ ހަމަޖައްސަވާފައެވެ.
ފިޠުރު ޒަކާތަކީ ރަމަޟާން މަސް ނިމުމާއެކު ޒަކާތް ޙައްޤުވާ މީހުންނަށް ދޭންޖެހޭ މާއްދީ އެހީތެރިކަމެކެވެ. ފިޠުރު ޒަކާތް ފަރުޟު ކުރެއްވުނީ ރަމަޟާންމަހުގެ ރޯދައާއެކު ހިޖުރައިން ދެވަނަ އަހަރުއެވެ.