މިސްކިތުން ފަންކާއެއް ވަގަށް ނަގައިގެންދާ މަންޒަރު ---
ތަޤުވާ މިސްކިތުން 7 ފަންކާއެއް ވަގަށް ނަގައިފިއެވެ.
މާލެ ސިޓީ ކައުންސިލުން ބުނީ، ތިން ރޭ މަތިން ތަޤުވާ މިސްކިތުން 7 ފަންކާއެއް ވަގަށް ނަގާފައިވާ ކަމަށެވެ.
އެ މިސްކިތުން ފަންކާ ވަގަށް ނަގާ ވީޑިއޯއެއްވެސް މާލެ ސިޓީ ކައުންސިލުން ވަނީ އާއްމުކޮށްފައެވެ. އެ ފެންނަ ގޮތުގައި، މީހަކު ވަގަށް ގެންދަނީ އެ މިސްކިތުގައި ބަހައްޓާފައި ހުރި ފަންކާ އެކެވެ.
މި ވީޑިއޯ ފުޓޭޖު މިހާރު ފުލުހުންނާ ހިއްސާކޮށްފައިވާ ކަމަށް ވެސް ސިޓީ ކައުންސިލުން ބުންޏެވެ.
ދަރުމަވަންތަ މިސްކިތުގެ ފާރުގައި ހަރުކޮށްފައި ހުރި ދެ ފަންކާ ވެސް މިދިޔަ ހަފުތާގައި ވަނީ ވަގަށް ގެންގޮސްފަ އެވެ.