ކުޑަކުއްޖަކު ރޭޕްކޮށް މަރާލި މައްސަލައެއްގައި އިންޑިއާގެ ސިފައިންގެ މީހަކާއި އޭނާގެ އަންހެނުން ހައްޔަރުކޮށްފި
# އިންޑިއާ
.
ކުޑަކުއްޖަކު ރޭޕްކޮށް މަރާލި މައްސަލައެއްގައި އިންޑިއާގެ ސިފައިންގެ މީހަކާއި އޭނާގެ އަންހެނުން ހައްޔަރުކޮށްފިއެވެ.
އިންޑިއާގެ މީޑިއާތަކުން ރިޕޯޓުކޮށްފައިވާ ގޮތުގައި އުމުރުން 11 އަހަރުގެ އެ އަންހެން ކުއްޖާގެ މަންމައާއި ބައްޕަ މަރުވުމުން ފަހުން ދިރިއުޅެމުންދިޔައީ އެކުއްޖާގެ ބޮޑުދައިތައާއި އޭނާގެ ފިރިމީހާއާ އެކު ކަމަށެވެ. މިކަން ފެންމަތިވެފައިވަނީ އެ އަންހެން ކުއްޖާގެ ބޮޑުދައިތަ އެކުއްޖާ ގޮވައިގެން ހޮސްޕިޓަލަށް ގެންދިއުމުންނެވެ.
އަދި އެކުއްޖާ ހޮސްޕިޓަލަށް ގެނައިއިރުވެސް މަރުވެފައިވާ ކަމަށް ހޮސްޕިޓަލުގެ ޑޮކްޓަރުންނާ ހަވާލާދީ އެގައުމުގެ މީޑިއާތަކުން ރިޕޯޓުކޮށްފައިވެއެވެ. އަދި އެކުއްޖާގެ މަރުގައި ޝައްކުވާ ކަންތައްތަކެއް ހުރުމުން, އެކުއްޖާގެ ޕޯސްޓްމޯޓަމް ހެދުމުން އެކުއްޖާއަށް ޖިންސީ ގޯނާކޮށް, ނޭވާހާސްކޮށްގެން މަރާލާފައިވާކަން އެނގުނެވެ.
އެ މައްސަލައިގެ ތަހުގީގު ކުރިއަށް ދިޔަ ވަރަކަށް އެކުއްޖާއަށް ޖިންސީ ގޯނާކޮށްފައިވަނީ އެ ކުއްޖާގެ ބޮޑުދައިތަގެ ފިރިމީހާ ކަން ފުލުހުންނަށް ވަނީ އެނގިފަ އެވެ. އަދި އެކުއްޖާގެ ބޮޑުދައިތައަށް މިކަން އެނުގުނު ނަމަވެސް އެކަން ފޮރުވަން މަސައްކަތް ކޮށްފައިވާކަންވެސް ފުލުހުންނަށް ވަނީ އެނގިފައެވެ.
އެމައްސަލައާއި ގުޅިގެން އެ ދެމަފިރިންގެ މައްޗަށް ދައުވާކޮށް, އެމީހުން ހައްޔަރުކޮށް އިންޑިއާ ފުލުހުންގެންދަނީ މައްސަލަ ތަހުގީގު ކުރަމުންނެެވެ.
ގުޅުންހުރި
މުމްބާއީއަށް ވައިގަދަވެ ބިލްބޯޑެއް ވެއްޓި 14 މީހަކު މަރުވެއްޖެ
މިއީ ރަހުމްކުޑަ މީހެއް: މަންމަ ގަޔަށް ބަޑިޖަހައި, އަނބިމީހާއަށް ހަމަލާދީ ދަރިން ފުރާޅުމަތިން އެއްލާލައި މަރާލައިފި
ފޯނުން ފިރިހެން ކުދިންނާ ވާހަކަނުދައްކަން ބުނުމުން, އިންޑިއާގެ އުމުރުން 14 އަަހަރުގެ އަންހެން ކުއްޖަކު އޭނާގެ ބޭބެ މަރާލައިފި
އިންޑިއާގެ ސިޔާސީ ލީޑަރަކު ޒަހަމްތަކަކާއި އެކު މަރުވެފައި އޮތްވާ ފެނިއްޖެ
ފަހުގެ
