ސޮން
ދެކުނު ކޮރެއާގެ ފުޓުބޯޅަ ކުޅުންތެރިޔާ ސޮން ޖުން-ހޯ ރިޝްވަތުގެ މައްސަލައެއްގައި ޗައިނާގައި ހައްޔަރުގައި ހުރުމަށްފަހު ދޫކޮށްލާފައިވާ ކަމަށް ދެކުނު ކޮރެއާގެ ޚާރިޖީ ވުޒާރާއިން ބުނެފިއެވެ.
ޗައިނާގެ ސުޕަ ލީގުގެ ކުޅުންތެރިޔާ ސޮން ޗައިނާއިން ހައްޔަރުކުރީ 2023 ވަނަ އަހަރުގެ މެއި މަހު ޗައިނާގެ ފުޓްބޯޅައިގައި ކޮރަޕްޝަނާއި މެޗް ފިކްސިން ހުއްޓުވުމަށް ކުރިޔަށް ގެންދިޔަ އޮޕަރޭޝަނެއްގެ ތެރެއިންނެވެ.
ޗައިނާގެ ހާރިޖީ ވުޒާރާއިން ބުނީ ދެކުނު ކޮރެއާގެ ސޮން އަށް ރިޝްވަތު ހިފުމުގެ ތުހުމަތު ކުރެވޭ ކަމަށެވެ.
ސޮން ޗައިނާގެ ޝަންޑޮންގް ޕްރޮވިންސަށް ބަދަލުވީ 2021 ވަނަ އަހަރު ޝަންޑޮންގް ޓައިޝާންއާ ގުޅިވަޑައިގަތުމަށެވެ. ސޮން ވަނީ 2022 ވަނަ އަހަރު ގަތަރުގައި ބޭއްވި ވޯލްޑް ކަޕްގެ އިތުރުން ދެކުނު ކޮރެއާއަށް 20 މެޗު ކުޅެދީފަ އެވެ.
ކޮރެއާގެ ހާރިޖީ ވުޒާރާއިން ބުނީ ސޮން ބަންދުގައި ބަހައްޓާފައި ވަނިކޮށް ޗައިނާގެ ކަމާބެހޭ ފަރާތްތަކާ މުއާމަލާތްކޮށް އަވަސް އަދި އިންސާފުވެރި މަރުހަލާއެއް ކުރިއަށް ގެންދިއުމަށް އެދިފައިވާ ކަމަށެވެ.
ފަހުގެ
