މަޖިލިސް އިންތިޚާބުގެ އޮފިޝަލަކަށްވުމަށް މުއްދަތު އިތުރުކޮށްފި

މަޖިލިސް އިންތިޚާބުގައި ވޯޓުލާ މަރުކަޒުތަކުގައި ހަރަކާތްތެރިވާނެ އޮފިޝަލަކަށްވުމަށް އެދި ހުށަހެޅުމުގެ މުއްދަތު އިތުރުކޮށްފި އެވެ.

ރައްޔިތުންގެ މަޖިލިސް އިންތިހާބުގެ އޮފިޝަލަށް ވުމަށް ޝައުގުވެރިވާ ފަރާތްތަކަށް އިލެކްޝަންސް ކޮމިޝަނުން އެ ފުރުސަތު ހުޅުވާލީ ޖެނުއަރީ މަހު 21 ވަނަ ދުވަހު އެވެ. އެފަހަރު މާރޗް 5އާއި ހަމައަށް ވަނީ ފުރުޞަތު ހުޅުވާލި ނަމަވެސް އެ ކޮމިޝަނުން ވަނީ މި މއްދަތު އިތުރުކުރަމުން ގޮސް މިމަހުގެ 27 ވަނަ ދުވަހާ ހަމައަށް އިތުރުކޮށްފައެވެ.

އިލެކްޝަންސް ކޮމިޝަނުން ބުނެފައިވާގޮތުގައި އަތޮޅުތެރޭގެ ރަށްރަށަށް ބޭނުންވާ މިންވަރަށް އޮފިޝަލުން ހަމަވެފައިވީ ނަމަވެސް މާލެ ސަރަހައްދަށް އަދިވެސް 500 އެއްހާ އޮފިޝަލުން ބޭނުންވެއެވެ.

އިލެކްޝަންސް ކޮމިޝަނުން ވިދާޅުވީ އޮފިޝަލަކަށް ވުމަށް އެދި ހުށައަޅަންޖެހޭ ފޯމު މި ލިންކު ޕޯޓަލް މެދުވެރިކޮށް ހުށައެޅޭނެ ކަމަށެވެ.

20 ވަނަ ރައްޔިތުންގެ މަޖިލީހުގެ އިންތިޚާބު ބޭއްވެވުމަށް އިލެކްޝަންސް ކޮމިޝަނުން ނިންމަވާފައިވަނީ އަންނަ އޭޕްރީލް މަހުގެ 21 ވަނަ ދުވަހުއެވެ.