ހުސެއިން ސިރާޖް
ބާ ކައުންސިލުގެ އެގްޒެކެޓިވް ކޮމިޓީގެ ހުސްވެފައިވާ ބާ ކައުންސިލުގެ ރައީސްކަމުގެ މަގާމަށް ހުސައިން ސިރާޖު އިންތިހާބުކޮށްފިއެވެ.
މިއަދު ބޭއްވި ބާ ކައުންސިލްގެ އިންތިހާބުގައި ސިރާޖު އާއި ވާދަކުރެއްވީ މުހައްމަދު ފައިސަލް އެވެ. އެގޮތުން މިއަދުގެ އިންތިހާބުގައި ސިރާޖަށް ލިބިވަޑައިގަތީ 224 ވޯޓެވެ.އަދި ފައިސަލަށް ލިބިވަޑައިގަތީ 172 ވޯޓެވެ.
ރައީސް ކަމަށް އިންތިހާބުވި ސިރާޖަކީ މަދަނީ ބޮޑެތި މައްސަލަތަކުގައި ކޯޓުތަކުގައި ވަކާލާތު ކުރައްވާ މަޝްހޫރު ގާނޫނީ ވަކީލެކެވެ.
ބާ ކައުންސިލްގެ ރައީސް ކަމަށް ބޭފުޅަކު އައްޔަނުކޮށްފައިމިވަނީ ބާ ކައުންސިލްގެ ރައީސް ކަމުގެ މަގާމު ހުސްވީ އެ ކައުންސިލްގެ ރައީސްގެ މަގާމުގައި ހުންނެވި ކުރީގެ އެސިސްޓެންޓް އެޓާނީ ޖެނެރަލް އިސްމާއީލް ވިޝާމް މިދިޔަ ޖެނުއަރީ މަހު ކުއްލިގޮތަކަށް އަވަހާރަވުމާއި ގުޅިގެންނެވެ.
މީގެ އިތުރުން މިއަދު ވަނީ ބާ ކައުންސިލުގެ އެގްޒެކްޓިވް ކޮމިޓީގެ މެންބަރު ކަމަށްވެސް ބޭފުޅަކު އިންތިހާބުކޮށްފައި އެވެ. އެގޮތުން 248 މެމްބަރުންގެ ވޯޓާއި އެކު މެމްބަރުކަމަށް އަހުމަދު ޝީފާއު ވަނީ އިންތިހާބުވެފައި އެވެ. މެމްބަރުކަމަށް ކުރިމަތި ލެއްވި ޝިފާއު އެކަނި ކަމުން އިންތިހާބު ބޭއްވީ ފެންނަ ނުފެންނަ ވޯޓެއްގެ ގޮތުގައި އެވެ.
ބާ ކައުންސިލް އެގްޒެކެޓިވް ކޮމެޓީގެ ދައުރަކީ ތިން އަހަރެވެ.
ފަހުގެ
