ވެމްކޯއިން މިއަދު އެކަނިވެސް މާލޭގެ މަގުތަކުން 40 ޓަނުގެ ކުނި ނަގައިފި

ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން މިއަދު އެކަނިވެސް މާލޭގެ މަގުތަކުން 40 ޓަނުގެ ކުނި ނަގައިފިއެވެ.

ވެމްކޯއިން ބުނެގައިވާ ގޮތުގައި މާލޭގެ މަގުތައް ސާފުކޮށް ބޭއްވުމަށް ސިޓީ ކައުންސިލްގެ މެންޑޭޓަށް ވާގިވެރިވެދިނުމުގެ ގޮތުން ވެމްކޯއިން ހާއްސަ ރެސްޕޯންސް ޓީމެއް އެކުލަވާލާ, މާލޭގެ މަގުތައް ސާފުކުރުމަށް މިއަދު ކުރެވުނު މަސައްކަތުގެ ތެރެއިން 25 ސަރަހައްދަކުން ވަނީ ކުނި ނެގުމުގެ މަސައްކަތް ކޮށްފައެވެ.

އެގޮތުން އެ ސަރަހައްދުތަކުން 50 އަށްވުރެ ގިނަ ދަތުރުކޮށްގެން 40 ޓަނުގެ ކުނި ސާފުކުރެވިފައިވާ ކަމަށް ވެމްކޯއިން ބުނެފައިވެއެވެ.

ރޯދަމަހާ ދިމާކޮށް މާލެސަރަހައްދުގެ މަގުތަކަށް އުކާލާފައިވާ ކުނިތައް ނަގައި ސާފުކުރުމަށްވެސް ވެމްކޯއިން ގެންދަނީ ހާއްސަ މަސައްކަތްތަކެއް ކުރަމުންނެވެ.