ކޮކާ-ކޯލާ މޯލްޑިވްސްއިން ކުރިއަށްގެންދާ ޕްރޮމޯޝަނަލް ކެމްޕޭންގެ އެންމެ ފަހުގެ ނަސީބުވެރިން ހޮވައިފި

ކޮކާ-ކޯލާ މޯލްޑިވްސްއިން ކުރިއަށްގެންދާ ޕްރޮމޯޝަނަލް ކެމްޕޭންގެ އެންމެ ފަހުގެ ނަސީބުވެރިން އިއުލާންކޮށް، އިނާމު ހަވާލުކޮށްފި އެވެ.

މި ކެމްޕޭންގައި ހޮވޭ ނަސީބުވެރި ފަރާތްތަކަށް އިނާމެއްގެ ގޮތުގައި ދެނީ މި އަހަރު އެންމެ ޑިމާންޑު ބޮޑު އެއް ސްމާޓްފޯން ކަމަށްވާ ސެމްސަންގް ގެލެކްސީ އެސް23 އެކެވެ.

މި ޕްރޮމޯޝަންގެ އެންމެ ފަހުގެ ނަސީބުވެރިންނަށް ހޮވިފައިވަނީ، ތުލުސްދޫއިން އާމިނަތު ޝަހީމާ އާއި މާލެއިން ރަންޖީތު ކާންތަލް އަދި އަހްމަދު އަފްޒަލް އެވެ. ކޮކާކޯލާ މޯލްޑިވްސް އިން ވަނީ އެ ތިން މީހުންނަށް ވެސް ސެމްސަންގް ގެލެކްސީ އެސް23 ހަވާލުކޮށްފަ އެވެ.

ކޮކާ-ކޯލާއިން ބުނި ގޮތުގައި އެ ތިން ނަސީބުވެރިން ވެސް އެ ދައްކުވައިދެނީ ކޮކާ ކޯލާގެ އިތުބާރު ހިފޭ ކަސްޓަމަރުންނަށް އެ ކުންފުނިން ގެނެސްދޭ އުފާވެރިކަމާއި ނަސީބެވެ. އަދި އެއީ ހަމައެކަނި ކާމިޔާބީއެއް ނޫން ކަމަށާއި ކޮކާ ކޯލާގެ އުފެއްދުންތަކުގެ ކޮންމެ ކޯވަރަކުން ގެނެސްދޭ އުފާވެރިކަމެއްގެ ގޮތުގައި ގޮތުގައި އެ ކުންފުނިން ސިފަކުރެ އެވެ.

އެންމެ ފަހުގެ ތިން ނަސީބުވެރިން އިއުލާންކޮށްފައިވާއިރު، މި ކެމްޕޭންގައި ބައިވެރިވެ، މި އަގުހުރި އިނާމު ހޯދުމުގެ ފުރުސަތު 10 މާޗުގެ ނިޔަލަށް ވަނީ ހުޅުވާލެވިފައެވެ. އެގޮތުން ކަސްޓަމަރުން ގަންނަ ކޮކާ-ކޯލާ، ކޯކް ޒީރޯ، ސްޕްރައިޓް، ފެންޓާ އޮރެންޖް ނުވަތަ ފެންޓާ ސްޓްރޯބެރީ ފުޅީގައި ރަން މަތިގަނޑެއް ހުރެއްޖެނަމަ ނަސީބުވެރިއަކަށް ވުމުގެ ފުރުސަތު ލިބިގެންދާނެ އެވެ. މި ޕްރޮޑަކްޓްތައް ސުޕަމާކެޓުތަކާއި ފިހާރަތަކާއި އެ ނޫނަސް ރީޓެއިލް ހިދުމަތް ދޭ ތަފާތު އެކި ތަންތަނުން ގަންނަން ލިބޭނެ ކަމަށް އެކުންފުނިން ބުނެއެވެ.

ރަން ކުލައިގެ މަތިގަނޑުގެ ދަށުގައިވާ ކޯޑު 2626އަށް ފޮނުވާލުމުން މި ކެމްޕޭންގައި ބައިވެރިވެވޭއިރު، ކޮންމެ ކޯޑަކީ ވެސް ވަކި އެންޓްރީއެއް ކަމަށް އެކުންފުނިން ބުނެއެވެ. އެހެންކަމުން ވަކިވަކިން، ކިތަންމެ ގިނައިން ވެސް ކޯޑުތައް ފޮނުވިދާނެކަމަށްވެސް އެކުންފުނިން ބުނެއެވެ.

މި ޕްރޮމޯޝަނާ އެކު ކޮކާ ކޯލާގެ އުފެއްދުންތަކަށް ލޯބިކުރާ މީހުންނަށް، އެ މީހަކަށް އެންމެ ކަމުދާ ބުއިމަކަށް އިންސާފުކުރަމުން އިނާމެއް ހޯދުމުގެ ޝައުގުވެރިކަން އުފައްދައި، ކޮންމެ ކޯވަރަކީ ވެސް އެޑްވެންޗާއަކަށް ވަނީ ބަދަލުކޮށްލާފަ އެވެ.

ފާއިތުވެދިޔަ 135 އަހަރުގެ ތެރޭގައި ކޮކާ-ކޯލާ ވެފައިވަނީ ދުނިޔޭގެ އެންމެ މަޝްހޫރު އަދި އެންމެ ގިނަ މީހުންނަށް ކަމުދާ އެއް ބްރޭންޑަށެވެ. ރާއްޖެއށް ކޮކާ-ކޯލާގެ ރަހަމީރު ތަފާތު އެކި އުފެއްދުންތައް ގެނެސްދެނީ އެ ކުންފުނީގެ ބޮޓްލިން ޕާޓްނަރު ކަމަށްވާ މާލޭ އެއިރޭޑް ވޯޓް ކޮމްޕެނީ (އެމްއޭޑަބްލިއުސީ) މެދުވެރިކޮށެވެ. ކޮކާ-ކޯލާގެ ތަފާތު އެކި އުފެއްދުންތަކާއި ހަރަކާތްތަކާ ބެހޭ މައުލޫމާތު އެ ކުންފުނީގެ ވެބްސައިޓް، ފޭސްބުކް އަދި އިންސްޓަގްރާމް ޕޭޖުން ބަލައިލެވޭނެ އެވެ.