ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު މިއަދު ޤައުމާއި މުހާތަބްކުރައްވާނެކަމަށް ރައީސުލްޖުމްހޫރިއްޔާގެ އޮފީހުން ވިދާޅުވެއްޖެއެވެ.
ރައީސުލްޖުމްހޫރިއްޔާ އޮފީހުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ، ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ޤައުމާއި މުހާތަބްކުރައްވާނީ މިއަދު މެންދުރުފަހު 2:00 ޖަހާއިރުކަމަށެވެ.
މީގެ އިތުރުން މަބްރޫކް ވިދާލުވީ، ކޯވިޑް-19ގެ ވެކްސިންގެ އެންމެ ފަހުގެ މަޢޫލޫމާތާއި ވެކްސިން ޕްލޭނާއި ގުޅޭގޮތުން ރައީސްގެ ޚިޠާބުގައި އަލިއަޅުއްވާލައްވާނެކަމަށެވެ.
ކޯވިޑް-19ގެ ބަލިމަޑުކަމުން އަރައިގަތުމަށް ސަރުކާރުން ކުރަމުންދާ މަސައްކަތްތަކުގެ އެންމެ ފަހުގެ މަޢުލޫމާތު ދިވެހި ރައްޔިތުންނާ ޙިއްޞާކުރެއްވުމަށް ރައީސުލްޖުމްހޫރިއްޔާ މިއަދު މެންދުރުފަހު 14:00 ގައި ރައްޔިތުންނާ މުޚާތަބު ކުރައްވާނެ.
މި އިވެންޓް ލޯކަލް ޗެނަލްތަކުން ދައްކާނެ.
— Mabrook Azeez (@MvSpokesperson) January 20, 2021
އިންޑިއާއިން ރާއްޖެއަށް ފޯރުކޮށްދޭ ކޯވިޑް ވެކްސިންގެ ފުރަތަމަ ޝިޕްމަންޓް މިއަދު މެންދުރު ފަހު ރާއްޖެ ގެނައުމަށް ވަނީ ހަމަޖެހިފައެވެ. މިވެކްސިންގެ އެއްވެސް މައުލޫމާތެއް މިހާތަނަށް ކަމާއިބެހޭ އެއްވެސް ފަރާތަކުން ރަސްމީކޮށް ހާމަކޮށްފައި ނުވާއިރު، ވެކްސިނާއިމެދު ގިނަ ބަޔަކު ދަނީ ސުވާލު އުފައްދަމުންނެވެ.
