ފޭނުންގެ ދިގު އިންތިޒާރަށް ނިމުމެއް: އައްޔުގެ ބޮޑު ސަޕްރައިޒާއެކު ވީޑިއޯ ލަވަ މާދަމާ ރޭ ނެރެނީ!

ދިވެހި މިޔުޒިކީ ދާއިރާގައި ގިނަ ބަޔެއްގެ މަގުބޫލުކަން ހޯދަމުން އަންނަ ހުނަރުވެރި ޒުވާން ލަވަކިޔުންތެރިޔާ އަލީ އިނާން ސައީދު (އައްޔު) ގެ ފުރަތަމަ އަމިއްލަ ވީޑިއޯ ލަވައިގެ އޮފިޝަލް ޓްރެއިލާ މީސްމީޑިއާގައި މިހަފްތާގެ ކުރީކޮޅު ވަނީ ލޯންޗުކޮށްފައެވެ. މި ޓްރެއިލާއާއެކު ބެލުންތެރިންނަށް ވަނީ ހީނުކުރާ ފަދަ ބޮޑު ސަޕްރައިޒެއް ލިބިގެންގޮސްފައެވެ. އެގޮތުން، މި ލަވައިގެ ޓީޒާ ވީޑިއޯއިން އައްޔާއެކު ފެނިގެންދަނީ ޕޮލެންޑަށް ނިސްބަތްވާ ރީތި އަންހެން ކުއްޖެކެވެ.