ދެ ކުއްޖަކަށް ޖިންސީ ގޯނާ ކުރި ޓީޗަރަކު ޝަރީއަތް ނިމެންދެން ބަންދަށް
މުޙައްމަދު މުއައްވަޒު
11/21/2022, 3:34:19 PM
Rape-jinsee-gaonaa
ދެ ކުއްޖަކަށް ޖިންސީ ގޯނާ ކުރި ޓީޗަރަކު ޝަރީއަތް ނިމެންދެން ބަންދުކޮށްފި އެވެ.
ފުލުހުން ވިދާޅުވީ އުތުރުގެ ރަށެއްގައި އުމުރުން 12 އަހަރުގެ އަންހެން ކުއްޖަކާއި، 14 އަހަރުގެ އަންހެން ކުއްޖަކަށް ޖިންސީ ގޯނާ ކުރި މައްސަލައެއް މިމަހުގެ 15ވަނަ ދުވަހު ފުލުހުންނަށް ހުށަހެޅިފައިވާ ކަމަށެވެ.
ފުލުހުން ވިދާޅުވީ، މި މައްސަލައާ ގުޅިގެން މިދިޔަ ބުރާސްފަތި ދުވަހުގެ ރޭގެ ވަގުތެއްގައި 49 އަހަރުގެ ދިވެހި ފިރިހެނަކު ކޯޓު އަމުރެއްގެ ދަށުން ހައްޔަރުކޮށްފައިވާކަމަށެވެ. އަދި އޭނާގެ ބަންދާމެދު ގޮތެއް ނިންމުމަށް ކޯޓަށް ގެންދިޔުމުން ޝަރީއަތް ނިމެންދެން ބަންދުގައި ބެހެއްޓުމަށް ކޯޓުން އަމުރުކޮށްފައިވާ ކަމަށް ފުލުހުން ވިދާޅުވި އެވެ.
އުތުރުގެ ރަށެއްގައި މިފަދަ މައްސަލައެއް ފެންމަތިވެފައިވާއިރު، ދާދި ފަހުން ދެކުނުގެ ރަށެއްގައިވެސް ސްކޫލު ދަރިވަރަކަށް ޖިންސީ ގޯނާ ކުރި މައްސަލަތަކެއް ފެންމަތިވެފައެވެ.