ތިނަދޫގައި މިމަހު ބާއްވާ 13 ވަނަ މަކިޓާ ނޭޝަނަލް ޖޫނިއަރ ޗެމްޕިއަންޝިޕަށް އޮފިޝަލުން ހޯދަނީ

ތިނަދޫގައި މިމަހު ބާއްވާ 13 ވަނަ މަކިޓާ ނޭޝަނަލް ޖޫނިއަރ ޗެމްޕިއަންޝިޕަށް އޮފިޝަލުން ހޯދަން އިއުލާނުކޮށްފި އެވެ.

ތިނަދޫ ކައުންސިލުން ކުރި އިއުލާނެއްގައި ބުނެފައިވަނީ 2022 އޮކްޓުބަރ 23 ން 27 އަށް ގދ.ތިނަދޫގައި ބޭއްވުމަށް ހަމަޖެހިފައިވާ 13 ވަނަ މަކީޓާ ނޭޝަނަލް ޖޫނިއަރ ޗެމްޕިއަންޝިޕަށް 40 އޮފިޝަލުން ބޭނުންވެފައިވާ ކަމަށެވެ.

އެގޮތުން އޮފިޝަލުންގެ ޝަރުތުތަކުގެ ގޮތުގައި ކަނޑައަޅާފައިވަނީ އުމުރުން 17 އަހަރު ފުރިފައިވާ ފަރާތެއް ކަމުގައި ވުމެވެ. އޮފިޝަލުން ނަގާއިރު ބަލާނީ 2022 އޮކްޓޫބަރ 01 ވަނަ ދުވަހަށް އުމުރުން 17 އަހަރު ފުރިފައިވާ ކުދިންނަށެވެ.

އޮފިޝަލުންގެ ގޮތުގައި ހޮވޭ ފަރާތްތަކަށް އެލެވެންސެއް ދިނުމަށް ތިނަދޫ ކައުންސިލުން ވަނީ ނިންމާފައެވެ. އަދި އޮފިޝަލުންނަށް މުބާރާތުގެ ކުރިން އެތްލެޓިކްސްއާ ބެހޭ ފަންނީ އަދި ޓެކްނިކަލް މަޢުލޫމާތު ދިނުމަށް ވެސް ވަނީ ނިންމާފައެވެ.

އޮފިޝަލުންނަށް ވުމަށް ބޭނުންވާ ފަރާތްތަކަށް މި ލިންކް މެދުވެރިކޮށް ރަޖިސްޓްރީ ކުރުމުގެ ފުރުސަތު ވަނީ ހުޅުވާލާފައެވެ. ޝައުޤުވެރިވާ ފަރާތްތަކުން 2022 އޮކްޓޫބަރ 10 ވާ ހޯމަ ދުވަހުގެ 14:00ގެ ކުރިން ރަޖިސްޓްރީ ކުރުމަށް ކައުންސިލުން އެދެއެވެ.

13 ވަނަ މަކިޓާ ނޭޝަނަލް ޖޫނިއަރ ޗެމްޕިއަންޝިޕަށް ތިނަދޫ ކައުންސިލުން އަންނަނީ ވަރަށް ބޮޑަށް ތައްޔާރުވަމުންނެވެ.