ކުޑަރިކިލު ގޮނޑުދޮށް ހިމާޔަތްކުރުމުގެ މަޝްރޫއުގެ އެއްބަސްވުމުގައި ސޮއިކޮށްފި
# ގޮނޑުދޮށް ހިމާޔަތް ކުރުން# ބ. ކުޑަރިކިލު# ޕްލޭނިންގ މިނިސްޓްރީ
large_163480183124vblt
ބ. ކުޑަރިކިލު ގޮނޑުދޮށް ހިމާޔަތްކުރުމަށް ފްލޭނިންގް މިިނިސްޓްރީން އެމްޓީ ހޯގާޑް ޕްރައިވެޓް ލިމިޓެޑާ މިއަދު ހަވާލުކޮށްފިއެވެ.
މިއަދު މިނިސްޓްރީ އޮފް ނޭޝަނަލް ޕްލޭނިން، ހައުސިން އެންޑް އިންފްރާސްޓްރަކްޗާގައި ބޭއްވި ރަސްމިއްޔާތުގައި މި މަޝްރޫއުގެ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ ޕާމަނަންޓް ސެކްރެޓަރީ ޒީނިއާ އަހުމަދު ހަމީދެވެ. އެމްޓީ ހޯގާޑް ޕްރައިވެޓް ލިމިޓެޑްގެ ފަރާތުން ސޮއިކުރެއްވީ އެ ކުންފުނީގެ ސީނިއާ ޕްރޮޖެކްޓް މެނޭޖަރު ޖޯގަން ފެލްޑް ބޯގް ސްކާރަޕެވެ.
ކުޑަރިކިލު ގޮނޑުދޮށް ހިމާޔަތް ކުރުމުގެ މަޝްރޫއުގެ ދަށުން ރަށުގެ އިރުމަތީ ފަރާތުގައި 100 މީޓަރުގެ ތިން ބްރޭކްވޯޓާއާއި 150 މީޓަރުގެ ބްރޭކްވޯޓާއެއް ގާއިމުކުރުމަށް ވަނީ ހަމަޖެހފައެވެ. މި މަޝްރޫއުގެ ތެރޭގައި، ރަށުގެ އިރުމަތީ ފަރާތާއި ދެކުނުފަރާތު ގޮނޑުދޮށަށް ފަސްއެޅުމާއި ބީޗް ޕްރޮފައިލްކުރުން ވެސް ހިމެނެއެވެ.
އެމްޓީ ހޯގާޑް ޕްރައިވެޓް ލިމިޓެޑުން ދަނީ އެރަށު ބަނދަރު ހެދުމުގެ މަސައްކަތް ވެސް ކުރަމުންނެވެ. އެމަސައްކަތް އެ ކުންފުންޏާ ހަވާލު ކުރީ މިދިޔަ އަހަރުގެ ސެޕްޓެމްބަރު 10 ވަނަ ދުވަހުއެވެ
ފަހުގެ
