ދާންދޫގައި އިންޑޯ ބެޑްމިންޓަން ކޮމްޕްލެކްސްއެއް ޤާއިމްކުރުމުގެ އެއްބަސްވުމުގައި ސޮއިކޮށްފި

ގއ ދާންދޫގައި އިންޑޯ ބެޑްމިންޓަން ކޮމްޕްލެކްސްއެއް ޤާއިމްކުރުމަށް ކޮންޓްރެކްޓަރާއެކު އެރަށު ކައުންސިލުން މިއަދު ސޮއިކޮށްފިއެވެ.

ދާންދޫގައި ބެޑްމިންޓަން ކޮމްޕްލެކްސްއެއް ގާއިމްކުރުމަށް އެއްބަސުވުމުގައި އެރަށު ކައުންސިލުން ސޮއިކޮށްފައިވަނީ ބިޑް ކާމިޔާބުކުރި ރޯޔަލް ވަން ކުންފުންޏާއެކުގައެވެ.

މި އެއްބަސްވުމުގައި ސޮއިކުރުމަށް މިއަދު އެރަށު ކައުންސިލް އިދާރާގައި ބޭއްވުނު ބައްދަލުވުމުގައި ކައުންސިލް ރައީސް އާއި މެންބަރުންނާއި ރޮޔަލްވަން ގެ އިދސްވެރިންގެ އިތުރުން ރައްޔިތުންގެ މަޖިލީހުގެ ދާންދޫ ދާއިރާގެ މެމްބަރ ޔައުގޫބް އަބްދުﷲ ވަނީ ބައިވެރިވެފައެވެ.

މިއީ، މިނިސްޓްރީ އޮފް ޔޫތް، ސްޕޯޓްސް އެންޑް ކޮމިޔުނިޓީ އެންޕަވަރމަންޓުން ބަޖެޓް ދީގެން ޤާއިމްކުރާ އިންޑޯ ބެޑްމިންޓަން ކޮމްޕްލެކްސް އެކެވެ.

މި މަސައްކަތް ނިންމުމަށް ރޯޔަލް ވަން އާއި ހަވާލުކޮށްފައިވަނީ 3.6 މިލިއަން ރުފިޔާއަށް 120 ދުވަސްތެރޭގައި ނިންމާ ގޮތަށެވެ.