ރޭޕްގެ ތުހުމަތުވި ޓީޗަރު ސަސްޕެންޑްކޮށްފި
ފަތުހުالله ޔާމީން ސައީދު
4/21/2021, 8:27:42 PM
big_Trym6YIZFLuRBohDKPlCyhOhG
ރ. މަޑުއްވަރީގައި ގުރޫޕަކުން ރޭޕް ކުރި ކަމަށް ބުނާ އަންހެން ކުއްޖާގެ މައްސަލާގައި ބޮޑެތި ތުހުމަތުތަކެއް ކުރާ ޓީޗަރަކު ވަޒީފާއިން ސަސްޕެންޑް ކޮށްފި އެވެ.
ތުހުމަތުތަކާ ގުޅިގެން ސަސްޕެންޑް ކޮށްފައި ވަނީ މަޑުއްވަރީއަށް ނިސްބަތްވާ އެ ރަށު ސްކޫލުގެ ޓީޗަރު މުއީން ހަސަނެވެ. އޭނާއަކީ މަތީ ގުރޭޑްތަކަށް ކިޔަވައިދޭ ޓީޗަރެކެވެ. އަދި ރޭޕް ކުރި ކަމަށް ބުނާ އަންހެން ކުއްޖާއަށް ވެސް ކިޔަވައިދޭ ޓީޗަރެކެވެ.
މަޑުއްވަރީ ސްކޫލުގެ ގުރޭޑް އަށެއްގައި ކިޔަވަމުން އައި އެ ކުއްޖާ ރޭޕް ކޮށްފައި ވަނީ ސުކޫލް ކައިރީގައި ހިންގާ ގެސްޓް ހައުސްއަކަށް ގެންގޮސްގެންނެވެ. ކުއްޖާ އެތަނަށް ގެންދިޔައީ ސަސްޕެންޑް ކޮށްފައި ހުރި ޓީޗަރު ކަމަށްވެސް ބައެއް މީހުން ތުހުމަތު ކުރެ އެވެ.