--
މެދުއިރުމަތީގެ ބައެއް ގައުމުތަކުގައި ގެންގުޅޭ ބާޒުތަކުގައި ދުނިޔޭގެ މަޝްހޫރު އަގުބޮޑު ލަގްޒަރީ ބްރޭންޑެއް ކަމަށްވާ 'ވެން ކްލީފް' ގެ ފަށްފަދަ ޖަވާހިރުތައް އަޅުވައިގެން ޒީނަތްތެރިކުރުމުގެ އާދަޔާޚިލާފު އައު ޓްރެންޑެއް ފެށިއްޖެއެވެ.
މިއީ ފަހަކަށް އައިސް އެ ސަރަހައްދުގައި ފެތުރެމުން އަންނަ އައު ކަމެކެވެ.
މެދުއިރުމަތީގެ ތާރީޚާއި ސަގާފަތުގައި ބާޒަކީ ވަރަށް ޚާއްޞަ ގަދަރަކާއި ގާތްކަމެއް ދެވިފައިވާ، އަދި އިއްޒަތާއި ތަނަވަސްކަން ރަމްޒުކޮށްދޭ މުހިންމު ދޫންޏެކެވެ. އެހެންކަމުން، މިފަދަ އަގުބޮޑު ޖަވާހިރުތަކުން ބާޒުތައް ޒީނަތްތެރިކުރުމަކީ އެ ސަރަހައްދުގެ މީހުން ބާޒަށް ދޭ ގަދަރާއި، އަމިއްލަ ތަނަވަސްކަން ދައްކުވައިދިނުމަށް ކުރާ ކަމެކެވެ.
'ވެން ކްލީފް' ފަދަ ދުނިޔޭގެ އެންމެ މަތީ ފަންތީގެ ބްރޭންޑްތަކުގެ ޖަވާހިރު ބާޒުތަކުގެ ކަރުގައި އަޅުވައިގެން ނަގާފައިވާ ފޮޓޯތަކާއި ވީޑިއޯތައް ސޯޝަލް މީޑިއާގެ އެކި ޕްލެޓްފޯމްތަކުގައި މިހާރު ވަނީ ވަރަށް ބޮޑަށް އާންމުވެފައެވެ.
މި މަންޒަރުތައް ފެނި، ގިނަ ބައެއްގެ ސަމާލުކަން މިކަމަށް ލިބިފައިވާއިރު، މިއީ މުއްސަނދިކަން ދައްކާލުމުގެ އެންމެ މަތީ ހަރުފަތްކަމަށް ބައެއް މީހުން އަންނަނީ ބުނަމުންނެވެ. އަދި އަނެއްބަޔަކު ސިފަކުރާ ގޮތުގައި މިއީ ޒަމާންވީ ސަގާފަތާއި ޒަމާނީ ލަގްޒަރީގެ ވަރަށް ތަފާތު ގުޅުވުމެކެވެ.
ފަހުގެ
