ސްޕައިޑަރ-މޭންގެ ކާމިޔާބީގެ ސަބަބުން ބޮލީވުޑްގެ ދެ ފިލްމަކަށް ބޮޑެތި ގޮންޖެހުންތަކެއް

ބޮލީވުޑްގައި ވަރުގަދަ ދެ ފިލްމެއް ކަމަށްވާ ސަނީ ޑިއޯލްގެ "ބަޓްވާރާ 1947" އާއި އިމްރާން ހާޝިމީގެ"އާވާރާޕަން 2" އެއްފަހަރާ ރިލީޒްކުރަން ތައްޔާރުވަމުން އަންނައިރު، މި ދެ ފިލްމަށް ސިނަމާތަކުން ޝޯތައް ބެހުމުގައި ބޮޑު މައްސަލަތަކެއް އުފެދިއްޖެއެވެ.

ސަނީ ޑިއޯލްގެ ލީޑު ރޯލުން ފެނިގެންދާ "ބަޓްވާރާ 1947" ގެ ޑިސްޓްރިބިއުޓަރުން އަންނަނީ އިންޑިއާގެ ހުރިހާ ސިންގަލް ސްކްރީން ސިނަމާތަކެއްގެ ހުރިހާ ޝޯއެއް އެ ފިލްމަށް ދިނުމަށް ވަރަށް ބޮޑަށް ޑިމާންޑް ކުރަމުންނެވެ.

ސަނީ ޑިއޯލްގެ އެކްޝަން ފިލްމުތަކަކީ އާންމުކޮށް ސިންގަލް ސްކްރީންތަކުގައި ވަރަށް ހިނގާ ފިލްމުތަކަކަށް ވުމުން، ޑިސްޓްރިބިއުޓަރުން ބޭނުންވަނީ އެ ފުރުސަތުގެ ބޭނުން އެންމެ ފުރިހަމަ ގޮތުގައި ހިފުމަށެވެ.

ނަމަވެސް މީގެ ސަބަބުން، ހަމަ އެ ދުވަސްވަރު ނުކުންނަ "އާވާރާޕަން 2" އަށް ސްކްރީންތައް ހޯދުމުގައި ވަނީ ވަރަށް ބޮޑެތި ހުރަސްތަކަކާ ކުރިމަތިލާން ޖެހިފައެވެ.

މި ސްކްރީން ހޯދުމުގެ ހަނގުރާމަ އިތުރަށް ގޯސްވެފައިވަނީ، މިހާރު ސިނަމާތަކުގައި ދައްކަމުން އަންނަ ހޮލީވުޑްގެ ބްލޮކްބަސްޓަރ ފިލްމު "ސްޕައިޑަރ-މޭން" އަށް ބެލުންތެރިންގެ ފަރާތުން ލިބެމުން އަންނަ ބޮޑު ތަރުހީބުގެ ސަބަބުންނެވެ. ސްޕައިޑަރ-މޭން އަދިވެސް ގިނަ ސްކްރީންތަކެއްގައި ކާމިޔާބުކަމާއެކު ދައްކަމުން އަންނާތީ، ސިނަމާތަކުގައި ހުސް ޖާގަ ވަނީ ވަރަށް ބޮޑަށް މަދުވެފައެވެ. ސް

ޕައިޑަރ-މޭންގެ ސަބަބުން ޖާގަ ކުޑަވެފައިވާއިރު، އަލަށް ނުކުންނަ ބޮލީވުޑްގެ ދެ ފިލްމަށް ޝޯތައް ހަމަޖައްސައިދިނުމަކީ ސިނަމާ ހިންގާ ފަރާތްތަކަށްވެސް ކުރިމަތިވެފައިވާ ވަރަށް ބޮޑު އުނދަގުލެކެވެ.