ހިޔާ ޓަވަރު 8 ގައި އަލިފާނުގެ ހާދިސާއެްއް!

ހުޅުމާލެ ދެވަނަ ފިޔަވަހީގެ ހިޔާ 8 ވަނަ ޓަވަރުގައި އަލިފާނުގެ ހާދިސާއެއް ހިނގައިފި އެވެ.

ގާފު ނޫހަށް މައުލޫމާތު ލިބިފައިވާ ގޮތުގައި އަލިފާނުގެ ހާދިސާއެއް ހިނގީ ހިޔާ ޓަވަރު 8 ގެ 19 ވަނަ ފަންގިފިލާގެ 6 ވަނަ އެޕާޓްމެންޓުގައި އެވެ.

އެގޮތުން އަލިފާނުގެ ހާދިސާ ހިނގީ އެ އެޕާޓްމެންޓުގެ ބަދިގޭގައި އެވެ. މައުލޫމާތު ލިބިފައިވާ ގޮތުގައި އަލިފާން ރޯވީ އެ އެޕާޓްމެންޓުގެ ބަދިގޭގައި އެވެ.

މި ހާދިސާއާއި ގުޅިގެން ނެޝަނަލް ޑިޒާސްޓަރ މެނޭޖްމެންޓު އޮތޯރިޓީން ބުނީ ހިޔާ 8 ވަނަ ޓަވަރުގެ އެޕާޓްމަންޓެއްގެ ބަދިގޭގައި ހިނގި އަލިފާނުގެ ހާދިސާއާ ގުޅިގެން އެ އޮތޯރިޓީން ހަރަކާތްތެރިވަމުންދާ ކަމަށެވެ.

އަދި ރޯވި އަލިފާން މިހާރު ނިއްވާލެވިފައިވީ ނަމަވެސް، އެޕާޓްމަންޓަށް ވަރަށް ބޮޑަށް ދުމުގެ އަސަރުކޮށްފައިވާތީ އެކަން ހައްލުކުރުމުގެ މަސައްކަތް ކުރަމުންދާކަންވެސް ވަނީ ހާމަކޮށްފައެވެ.