ކުރިއަށް އޮތް ދެ ދުވަހަކީ ސަރުކާރު ބަންދު ދުވަހެއް ގޮތުގައި ހަމަޖައްސައިފި

ލޯކަލް އިންތިހާބުތަކާއި ރިފަރެންޑަމް ވޯޓާ ގުޅިގެން ކުރިއަށް އޮތް ދެ ދުވަސް ބަންދު ދެދުވަސް ގޮތުގައި ރައީސް އޮފީހުން ހަމަޖައްސައިިފި އެވެ.

ރައީސް އޮފީހުން ބުނީ މި ދުވަސްތައް ބަންދުކޮށްފައިވަނީ މިއަދު ކުރިއަށްދާ 3 އިންތިހާބުގައި ދައުލަތުގެ ވަޒީފާތަކުގައި ތިބި ގިނަ އަދަދެއްގެ މުވައްޒަފުން ހަރަކާތްތެރިވަމުންދާތީ އެކަމަށް އިލެކްޝަންސް ކޮމިޝަނުން އެދިފައިވާތީ ކަމަށެވެ.

ހޯމަ ދުވަހު ވެސް އިންތިހާބާ ގުޅޭ މުހިންމު މަސައްކަތްތަކެއް ކުރަން ޖެހޭކަމަށް އީސީ އިން އަންގާފައިވާ ކަމަށް ރައީސް އޮފީހުން ބުންޏެވެ.

ރާއްޖޭގައި މިހާތަނަށް ބޭއްވޭ އެންމެ ބޮޑު އިންތިހާބު މިއަދު މިވަނީ ކުރިއަށް ގެންގޮސްފަ އެވެ. އެއީ އަންހެނުންގެ ތަރައްގީއަށް މަސައްކަތްކުރާ ކޮމެޓީގެ އިންތިހާބާއި ލޯކަލް ކައުންސިލް އިންތިހާބް އަދި ރިޔާސީ އިންތިހާބާއި ރައްޔިތުން މަޖިލީހުގެ އިންތިހާބު އެއްދުވަހަކު ބޭއްވުމަށް ނަގާ ފެންނަ ނުފެންނަ ވޯޓެވެ.