ބަންގްލަދޭޝް ރައްޔިތުން މަޖިލީހުގެ އިންތިހާބުގައި ބީއެންޕީއިން ހޯދި ކާމިޔާބީ އަށް ރައީސް މަރުހަބާ ދަންނަވައިފި

ބަންގްލަދޭޝްގައި ބޭއްވުނު 13 ވަނަ ރައްޔިތުންގެ މަޖިލީހުގެ އިންތިހާބް ބަންގްލަދޭޝް ނޭޝަނަލިސްޓް ޕާޓީން ހޯދި ކާމިޔާބީ ފާހަގަކުރައްވާ، އެކަމަށްޓަކައި ތާރިގްރަހްމާން އަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ތަހުނިޔާ ވިދާޅުވެއްޖެ އެވެ.

ރައީސް ތަހުނިޔާ ވިދާޅުވެފައިވަނީ އެކްސްގައި ކުރެއްވި ޕޯސްޓެއްގަ އެވެ.

ރައީސް ވިދާޅުވީ ރާއްޖެ އާއި ބަންގްލަދޭޝްއާއި ދެ ގައުމުގެ ދެމެދުގައި އޮތް ޒަމާންވީ ގާތް ރަޙްމަތްތެރި ގުޅުން، ކުރިއަށް އޮތް އަހަރުތަކުގައި އިތުރަށް ބަދުހިވެގެންދާނެކަމަށް އުއްމީދު ކުރައްވާ ކަމަށެވެ.

ކުރިއަށް އޮތް އަހަރުތަކުގައި މި ގުޅުން އިތުރަށް ބަދަހިވެގެންދާނެ ކަމަށް ޔަޤީން ކުރައްވާ ކަމަށް ރައީސް ވިދާޅުވި އެވެ.