ގޭހަކަށް ނުޖެހޭނެ، ވަރަށް އަވަހަށް މައްސަލަ ހައްލުވާނެ- އެސްޓީއޯ

ގޭހުގެ މައްސަލައަށް މިހާރު ދިމާވެފައިވާ މައްސަލަ ވަރަށް އަވަހަށް ހައްލުވެގެންދާނެ ކަމަށް ސްޓޭޓް ޓްރޭޑިންގް ކޮމްޕެނީ (އެސްޓީއޯ) އިން ބުނެފި އެވެ.

އެސްޓީއޯ އިން ބުނީ މިއީ ދުނިޔޭގައިވެސް އަދި ސަރަހައްދީގޮތުންވެސް ބާޒާރުގައި ސަޕްލައިއަށް އަރާފައިވާ ލޮޅުމެއް ކަމަށެވެ.

މިކަމުގެ ސަބަބުން އެސްޓީއޯގެ ސަބްސިޑަރީ ކުންފުނިކަމަށްވާ މޯލްޑިވް ގޭސް މެދުވެރިކޮށް 10 ކިލޯގެ ގޭސް ފުޅީގެ ބަދަލުގައި ޑިސްކައުންޓް ރޭޓުތަކެއްގައި ވިއްކަމުންދަނީ 7 ކިލޯގެ ގޭސްފުޅި ކަމަށެވެ.

އެސްޓީއޯއިން ބުނީ ގޭހުގެ ސަޕްލައިއަށް އަންނަމުންދާ ބަދަލު ރާއްޖެ އަށް ގޭސް އެތެރެކުރާ ދެ ކުންފުނި ގުޅިގެން ކޮންޓްރޯލްކޮށްގެން ގޭސް ވިއްކުމަކީ އަބަދުވެސް ކުރާ ކަމެއް ކަމަށެވެ. އަދި މި މައްސަލަ ރޯދަ މަހުގެ ކުރިން ހައްލުވެގެންދާނެ ކަމަށް އެސްޓީއޯއިން ބުންޏެވެ.