-
ދެކުނު އޭޝިއާ ސަރަހައްދުގެ ފުޓްބޯޅައިގެ މައިއިދާރާ، ސާފްއިން ބޭއްވި ސަރަހައްދީ ފުޓްސަލްގެ އަލަތު މުބާރާތުގައި ރާއްޖޭގެ ގައުމީ ފުޓްސަލް ޓީމުން ހޯދި ރަން ކާމިޔާބީ ފާހަގަކުރުމަށް މިރޭ މާލޭގައި ހަވާއަރުވަން ނިންމައިފި އެވެ.
ރާއްޖޭގައި ހަވާއެރުވުމުގެ ކަންކަން ކުރިޔަށްގެންދަނީ ދިވެހި ސިފައިންގެ ބާރުގެ ކޯޕަރޭޓިވް ސިފްކޯއިންނެވެ. އެމްއެންޑީއެފުން މިއަދު ބުނީ "ސާފް ފުޓްސަލް ޗެމްޕިއަންޝިޕް 2026''ގައި ގައުމީ ފުޓްސަލް ޓީމު ހޯދި ފަޚުރުވެރި ކާމިޔާބީ ފާހަގަކުރުމުގެ ގޮތުން މިރޭ 22:15އާއި 22:45އާ ދެމެދުގެ ވަގުތެއްގައި އާޓިފިޝަލް ބީޗާ ދިމާ ބޭރުން ހަވާ އެރުވުމަށް ނިންމާފައިވާ ކަމަށެވެ.
އެގޮތުން ހަވާ އެރުވުން ކުރިއަށްދާނީ ގާތްގަނޑަކަށް 3 މިނެޓެއް ހާއިރަށްކަމަށް އެމްއެންޑީއެފުން ވަނީ ބުނެފައި އެވެ.
ސާފުގެ އަލަތު ފުޓްސަލް މުބާރާތުގައި ރާއްޖެއިން ވަނީ ކުޅުނު ހުރިހާ މެޗަކުން މޮޅުވެ މުބާރާތުގެ ޗެމްޕިއަންކަން ހޯދާފައި އެވެ. މިއަހަރުގެ މުބާރާތް ކުރިޔަށްދަނީ ތައިލެންޑުގައި އެވެ. ތައްޓާއިއެކު ދިވެހި ފުޓްސަލް ޓީމު ރާއްޖެ އައުމަށް ހަމަޖެހިފައިވަނީ މިރެއެވެ. އެގޮތުން ޓީމަށް މަރުހަބާ ކިޔުމަށް ގައުމީ ފެންވަރުގައި ޚާއްސަ ހަރަކާތްތަކެއް މާލޭގައި ކުރިޔަށް ގެންދިޔުމަށް ވަނީ ނިންމާފައި އެވެ.
މިރޭގެ ހަރަކާތްތައް ކުރިޔަށް ގެންދިޔުމަށް ނިންމާފައިވަނީ މާލޭގެ އާޓިފިޝަލް ބީޗުގައި އެވެ. އެގޮތުން ޓީމަށް ރަސްމީކޮށް މަރުހަބާ ދަންނަވާނީ ރައީސުލްޖުމްހުރިއްޔާ ޑރ މުހައްމަދު މުއިއްޒު އެވެ.
ފަހުގެ
