ސްކޭމްގެ މައްސަލަތަކުން ރައްކާތެރިކުރުވުމަށް މައުލޫމާތުދީފި

ފ. ދަރަނބޫދޫގައި ހިންގާ ކެފޭ ރެސްޓޯރެންޓްތަކަށް ޒިޔާރަތްކޮށް މައުލޫމާތު ދިނުމުގެ ޕްރޮގްރާމެއް އެ ރަށު ޕޮލިސް ޕޯސްޓުން ކުރިއަށް ގެންގޮސްފިއެވެ.

މިއީ ވިޔަފާރިވެރިން ހޭލުންތެރިކުރުމަށް ފުލުހުން ކުރަމުންގެންދާ މަސައްކަތްތަކުގެ ތެރެއިން ކުރިއަށްގެންދިޔަ ޕްރޮގްރާމެކެވެ.

މި މަހުގެ 25 ވަނަ ދުވަހު ކުރިއަށް ގެންދިޔަ މި ޕްރޮގްރާމްގައި، މަކަރާއި ހީލަތުން ފައިސާގެ މުއާމަލާތްކުރަމުންދާ މައްސަލަތަކުން ރައްކާތެރިކުރުވުމަށް މައުލޫމާތު ދީފައިވެއެވެ. އަދި ވައްކަމާއި ސްކޭމް ފަދަ ކުށްތަކުން ރައްކާތެރިވުމަށް ކުރާނެ ކަންކަމާ ގުޅޭގޮތުން ވެސް މައުލޫމާތު ހިއްސާކޮށްފައިވެއެވެ.

މުޖުތަމައުގެ ސަލާމަތާއި ރައްކާތެރިކަން ކަށަވަރުކޮށް އަދި އާންމު ރައްޔިތުން ހޭލުންތެރިކުރުމަށް ފުލުހުން ގެންދަނީ ތަފާތު މަސައްކަތްތައް ކުރަމުންނެވެ.