ކިނޮޅަހުގައި އެންމެ ފަހުގެ ސޯލާ-ޑީޒަލް-ބެޓެރީ ހައިބްރިޑް ނިޒާމެއް ގާއިމުކުރުމުގެ މަސައްކަތް ކުރިއަށްދަނީ!

ރ. ކިނޮޅަހުގައި، އެންމެ ފަހުގެ ސޯލާ-ޑީޒަލް-ބެޓެރީ ހައިބްރިޑް ނިޒާމެއް ގާއިމުކުރުމުގެ މަސައްކަތް ކުރިޔަށްދާކަމަށް މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓުން ހާމަކޮށްފި އެވެ.

މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓުން ބުނީ ކިނޮޅަހުގައި ތަރައްޤީކުރަމުންދަނީ 297 ކިލޯވޮޓްޕީގެ ސޯލާ ފޮޓޯވޮލްޓެއިކް (ޕީވީ) ކެޕޭސިޓީ އާއި 537.6 ކިލޯވޮޓް ގަޑީގެ ބެޓެރީ އެނަރޖީ ސްޓޯރޭޖް ސިސްޓަމް (ބީއީއެސްއެސް) ހިމެނޭ ނިޒާމެއް ކަމަށާއި މި ނިޒާމުގެ ސަބަބުން، ރަށުގެ ކަރަންޓަށް ޑީޒަލަށް ބަރޯސާވުން ވަރަށް ބޮޑަށް ކުޑަވެ، ތިމާވެއްޓަށް ފައިދާލިބިގެންދާނެ ކަމަށެވެ.

މި ހައިބްރިޑް ނިޒާމް މަސައްކަތްކުރަން ފެށުމުން، ކޮންމެ އަހަރަކު 139,636 ލީޓަރުގެ ޑީޒަލް ސަލާމަތްކުރެވޭނެ ކަމަށް ލަފާކުރެވެއެވެ. މީގެ އިތުރުން، ކޮންމެ އަހަރަކު 342 ޓަނުގެ ކާބަން ޑައިއޮކްސައިޑް (CO₂) ވައިރަސް ބޭރުވުން ކުޑަކުރެވޭނެއެވެ.

މި މަޝްރޫޢަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން، 2028 ވަނަ އަހަރާ ހަމައަށް ރާއްޖޭގެ ކަރަންޓުގެ ބޭނުންތެރިކަމުގެ %33 އިއާދަކުރަނިވި ހަކަތައިގެ ވަސީލަތްތަކުން ފުއްދުމަށް ކަނޑައަޅުއްވާފައިވާ ލަދުފަތްތަކަށް ވާސިލުވުމަށް އެޅޭ މުހިންމު ފިޔަވަޅެކެވެ.

މިފަދަ ނިޒާމުތައް ގާއިމުކުރުމަކީ ރާއްޖޭގެ ރަށްރަށުގައި ދެމެހެއްޓެނިވި ހަކަތައިގެ ހައްލުތައް ހޯދުމަށް ކުރަމުންދާ މަސައްކަތްތަކުގެ ތެރެއިން އެއް މަސައްކަތެވެ.