-
ހދ. ކުޅުދުއްފުށީ ސްޕޯޓްސް ކޮމްޕްލެކްސް ޤާއިމްކުރުމުގެ އެއްބަސްވުމުގައި ސޮއިކޮށްފިއެވެ.

މި އެއްބަސްވުމުގައި ސޮއިކޮށްފައިވަނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހދ. އަތޮޅަށް ކުރައްވަމުން ގެންދަވާ ދަތުރުގެ ތެރެއިން ކުޅުދުއްފުއްޓަށް ވަޑައިގެން، އެ ރަށުގެ ރައްޔިތުންނާ ބައްދަލުކުރެއްވުމަށް ބޭއްވި ރަސްމިއްޔާތުގެ ތެރެއިންނެވެ.
ހދ. ކުޅުދުއްފުށީ ސްޕޯޓްސް ކޮމްޕްލެކްސް ޤާއިމްކުރުމަށް ހަވާލުކޮށްފައިވަނީ އެމްއޭސީއެލްއާއެވެ. މި އެއްބަސްވުމުގައި ކުޅިވަރު ވުޒާރާގެ ފަރާތުން ސޮއިކުރެއްވީ ކުޅިވަރު ވަޒީރު ޢަބްދުﷲ ރާފިޢު އެވެ. އެމްއޭސީއެލްގެ ފަރާތުން ސޮއިކުރެއްވީ މެނޭޖިންގ ޑިރެކްޓަރ އިބްރާހީމް ޝަރީފް މުޙައްމަދުއެވެ.
ކުޅުދުއްފުށީ ސިޓީގައި ޤާއިމްކުރާ ސްޕޯޓްސް ކޮމްޕްލެކްސްގައި ފިޓްނަސް އެންޑް ރެކްރިއޭޝަން ސެންޓަރުގައި ހިމެނޭ ހުރިހާ ވަސީލަތްތަކެއްގެ އިތުރުން އިންޑޯ ޖިމް އަދި އިޖުތިމާއީ އެހެންކަމަށް ބޭނުންކުރެވޭނެ މަލްޓި ޕާޕަސް ހޯލެއްވެސް ހިމެނޭނެއެވެ.
ރާއްޖޭގެ މީހުން ދިރިއުޅޭ ހުރިހާ ރަށެއްގައި ފިޓްނަސް އެންޑް ރެކްރިއޭޝަން ސެންޓަރުތައް ޤާއިމްކުރުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވަޢުދުފުޅެކެވެ. 2026ގެ ކުރިން ހުރިހާ ރަށެއްގައި އެފްއާރުސީ އެޅުމަކީ ސަރުކާރުގެ އަމާޒެވެ.
ގުޅުންހުރި

އެއާޕޯޓުގައި މަސައްކަތްކުރާ ހުރިހާ މުވައްޒަފުންގެ ސަލާމަތާއި ރައްކާތެރިކަން ކަށަވަރު ކުރުމަކީ އެމްއޭސީއެލްގެ އެންމެ އިސް ވާޖިބު - ޝަރީފް
ކުޅުދުއްފުށީގައި ސްޕޯޓްސް ކޮމްޕްލެކްސް ޤާއިމްކުރުމަށް އެމްއޭސީއެލަށް!

ނޭކުރަންދޫ ފިޓްނަސް އެންޑް ރެކްރިއޭޝަން ސެންޓަރުގެ ބިންގާ އަޅައިފި
