ބީއެމްއެލްގެ އައު އޭޓީއެމްއެއް ހަނިމާދޫއަށް!

ހދ. ހަނިމާދޫގައި އަލަށް ގާއިމުކުރި އޭޓީއެމް، ރަސްމީކޮށް އިފްތިތާހުކޮށް ދެއްވައިފިއެވެ.

މި އޭޓީއެމް ރަސްމީކޮށް އިފްތިހާހްކޮށްދެއްވީ މިހާރު ހދ އަތޮޅަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން ރައީސް ޑރ މުހައްމަދު މުއިއްޒު އެވެ.

ހަނިމާދޫގައި އައު އޭޓީއެމްއެއް ބަހައްޓާފައިމިވަނީ ކުރީން އެރަށުގައި ހުރި އޭޓިއެމް ހަނިމާދޫ އެއާޕޯޓު ސަރަހައްދުގައި ހުރުމާއިއެކު މިހާރު ކުރިޔަށްދާ އެއާޕޯޓު މަޝްރޫއުއާއިއެކު އޭޓީއެމް ހުރި ސަރަހައްދަށް އާންމުންނަށް ނުވަދެވޭތީ އެވެ.

މުޅި ރާއްޖެ ހިމެނޭ ބޭންކިންގ ވިއުގަޔަކާއެކު 20 އަތޮޅުގައި 41 ބްރާންޗް، 146 ސެލްފްސަރވިސް ބޭންކިންގ ސެންޓަރ، 204 އޭޓީއެމް، އޭޖެންޓު ބޭންކިންގ ހިދުމަތުގެ އިތުރުން އެންމެ ޒަމާނީ އޮންލައިން ބޭންކިންގ ހިދުމަތާއެކު ބޭންކް އޮފް މޯލްޑިވްސްގެ އަމާޒަކީ އާންމު ފަރުދުންނާއި ވިޔަފާރިތަކާއި ރާއްޖޭގެ އެކި ކަންކޮޅުތަކުގައިވާ މުޖުތަމައުތަކަށް އެހީތެރިކަން ފޯރުކޮށްދިނުމެވެ.