logoEN
Sto top
މަތިވެރީގައި އެއާޕޯޓެއް ތަރައްޤީކޮށް އޮޕަރޭޓުކުރުމަށް އެމްއޭސީއެލްއަށް!

މަތިވެރީގައި އެއާޕޯޓެއް ތަރައްޤީކޮށް އޮޕަރޭޓުކުރުމަށް އެމްއޭސީއެލްއަށް!

އަހުމަދު ޝުރާއު

logo

8/19/2025, 6:36:15 PM

# އެމްއޭސީއެލް

-

އއ. މަތިވެރީގައި އެއާޕޯޓަށް ބޭނުންވާ ބިން ހިއްކުމާއިއެކު އެއާޕޯޓް ތަރައްގީކޮށް އޮޕަރޭޓް ކުރުމުގެ މަޝްރޫއު މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)އާ ހަވާލުކޮށްފި އެވެ.

Wamco

މި މަޝްރޫއުގެ އެއްބަސްވުމުގައި ސޮއިކޮށްފައިވަނީ ރައީސް ޑރ. މުހައްމަދު މުއިއްޒު އއ. އަތޮޅަށް ކުރައްވާ ދަތުރުފުޅުގެ ތެރެއިންމިރޭ މަތިވެރީގައި ބޭއްވި ހާއްސަ ޖަލްސާގައެވެ.

މި އެއްބަސްވުމުގައި މާލީ ވުޒާރާގެ ފަރާތުން ސޮއިކުރެއްވީ ސްޓޭޓް މިނިސްޓަރ ޙުސައިން ޢިމްރާން އަދި އެމްއޭސީއެލްގެ ފަރާތުން ސޮއިކުރެއްވީ މެނޭޖިން ޑިރެކްޓަރ އިބްރާޙިމް ޝަރީފް މުޙައްމަދެވެ.

މި މަޝްރޫއުގެ ދަށުން 1500 މީޓަރުގެ ދިގު އަދި 30 މީޓަރު ފުޅާ ރަންވޭއެއް ތަރައްގީކުރުމަށް ވަނީ ހަމަޖެހިފައި އެވެ. މީގެ އިތުރުން ޓެކްސީވޭއާއި އޭޕްރަން، ފަސިންޖަރުންގެ ޓާމިނަލް، ފަޔަރ ސްޓޭޝަން އަދި އެއަރޕޯޓުގެ ޚިދުމަތްދޭ މަގުތައްވެސް ތަރައްގީކުރެވޭނެއެވެ. މި މަޝްރޫއުގެ ދަށުން 26.5 ހެކްޓަރުގެ ބިން ހިއްކުމަށްވެސް ވަނީ ނިންމާފައި އެވެ.

ރައީސް ވިދާޅުވީ މި މަޝްރޫއުގެ މަސައްކަތް 2 އަހަރާއި 6 މަސް ދުވަހުގެ ތެރޭގައި ނިންމާލެވޭނެކަމަށެވެ.

މަތިވެރީގައި އެއަރޕޯޓް ތަރައްގީކުރުމުން އެރަށާއި އަތޮޅަށް ފައިދާވުމުގެ އިތުރުން ފަތުރުވެރިކަމުގެ ސިނާއަތަށްވެސް ފައިދާކުރާނެ ކަމަށް ރައީސް ފާހަގަކުރެއްވިއެވެ.

E living
ކޮމެންޓް
E living
ފަހުގެ
HDC