އުރީދޫއިން އޮގަސްޓް މަހު ނަގާ ކޮންމެ ސުޕަރނެޓަކަށް ހިލޭ އެސެޓް އިންޝުއަރަންސް!

އުރީދޫ މޯލްޑިވްސް އާއި އަމާނާ ތަކާފުލް އިންޝުއަރެންސް ގުޅިގެން އުރީދޫ ކަސްޓަމަރުންނަށް ހާއްސަ ހޯމް އެސެޓް އިންޝުއަރަންސް ޕެކޭޖެއް ތައާރަފު ކޮށްފިއެވެ.

އުރީދޫން ބުނީ އެއްވެސް އަގަކާ ނުލައި ފޯރުކޮށްދޭ މި އެކްސްކްލޫސިވް ބަންޑަލް މެދުވެރިކޮށް ކަސްޓަމަރުންގެ ގޭގައި ހުންނަ ތަކެތި ސުޕަނެޓް އިންސްޓޯލްކުރާ ތަނެއްގައި އިންޝުއަރ ކުރެވިގެންދާނެ ކަމަށެވެ.

އެގޮތުން ހޯމް އެސެޓް އިންޝުއަރަންސް އިން ތިރީގައިވާ ތަކެއްޗަށް ކަވަރޭޖް ފޯރުކޮށްދޭން ވަނީ ނިންމާފައި އެވެ.

• ފަރުނީޗަރާއި ފިޓިންގްސް

• އިލެކްޓްރޯނިކް ސާމާނު

• ފޭރާމާއި އަމިއްލަ ސާމާނު

• ކުޅިވަރު ސާމާނު

• ޕެޓްސްއާ ގުޅުންހުރި ތަކެތި

އޮގަސްޓް މަހު އަލަށް ސުޕަރނެޓު ނަންގަވާ ފަރާތްތަކުން ސުޕަރނެޓު އެކްޓިވޭޓް ކުރުމުން މި އޮފަރ ނެގުމަށް އެލިޖިބަލް ވާނެ ކަމަށާއި ސުޕަރނެޓު އެކްޓިވޭޓް ކުރުމަށްފަހު ކަސްޓަމަރުންނަށް މިޚިދުމަތަށް އެދެވޭނެކަމަށް އުރީދޫން ބުނެއެވެ.

އުރީދޫ މޯލްޑިވްސްއިން ބުނީ އެކުންފުނީގެ އަމާޒަކީ، ހަމައެކަނި ހަލުވި ސްޕީޑްގެ އިންޓަނެޓް ފޯރުކޮށްދިނުމެއް ނޫން ކަމަށާއި ކަސްޓަމަރުންނަށް މާނަހުރި އަދި ޢަމަލީ ޙައްލުތަކެއް ފޯރުކޮށްދީ، ދިރިއުޅުން ކުރިއެރުވުމަށް މަސައްކަތްކުރުން ކަމަށެވެ.