--
"ރައިޓިންގ ކުއަންޓިޓޭޓިވް ރިސާރޗް ޕޭޕަރސް ފޮރ ޕަބްލިކޭޝަން އިން އިންޑެކްސްޑް ޖަރނަލްސް"ގެ ނަމުގައި، ދިވެހިރާއްޖޭގެ އިސްލާމިކް ޔުނިވާސިޓީ (އައި.ޔޫ.އެމް)ގެ ފަރާތުން ދިރާސާކުރުމާއި ގުޅޭ ވޯކްޝޮޕެއް ބޭއްވުމަށް ތައްޔާރުވެއްޖެއެވެ.
އައިޔޫއެމްއިން ބުނީ 4 މަސް ދުވަހަށް ބަހައިލައިގެން ކުރިއަށްގެންދެވޭ މި ވޯކްޝޮޕަކީ ޢިލްމީ ދިރާސާކުރުމަށް ޝައުގުވެރިވާ ފަރާތްތަކަށް ހުޅުވާލެވިފައިވާ ފުރުޞަތެއް ކަމަށާއި މި ވޯކްޝޮޕްގެ މަޤްޞަދަކީ ތަފާތު މަޢުލޫތަކާއި ގުޅޭގޮތުން ދިރާސާކޮށް، އެ ދިރާސާތަކާއި ގުޅޭ ތަފާސް ހިސާބުތަކުގެ ޢަލީގައި ޢިލްމީ ލިޔުންތަށް އުފެއްދުމަށް ބޭނުންވާ ތަމްރީނު ފޯރުކޮށްދިނުން ކަމަށެވެ.
އައި.ޔޫ.އެމްގެ ސެންޓަރ ފޮރ ކޮންޓިނިއުއިންގ އެޑިޔުކޭޝަންގެ ފަރާތުން އިންތިޒާމްކޮށްގެން ކުރިއަށްގެންދިޔުމަށް ހަމަޖެހިފައިވާ މި ވޯކްޝޮޕްގައި ބައިވެރިވުމުގެ 30 ފުރުޞަތު ވަނީ ހުޅުވާލެވިފައެވެ.
ވޯކްޝޮޕްގައި ބައިވެރިވާ ފަރާތްތަކުގެ ޝަރުތުތަކުގެ ތެރޭގައި، ބެޗްލަރސް ޑިގްރީ ނުވަތަ މާސްޓަރސް ޑިގްރީ ފުރިހަމަކޮށްފައިވާ ފަރާތަކަށްވުމާއި، އިނގެރޭސި ބަހުން ލިޔުމާއި ކިޔުމުގެ ޤާބިލްކަން ހުރުން ހިމެނެއެވެ. އަދި މި ވޯކްޝޮޕްގައި ބައިވެރިވުމުގެ ފީ އަކީ 3،000 ރުފިޔާއެވެ.
މި ވޯކްޝޮޕްގައި ބައިވެރިވުމަށް ޝައުގުވެރިވާ ފަރާތްތަކަށް 20 އޮގަސްޓް 2025 ވާ ބުދަ ދުވަހުގެ ކުރިން ތިރީގައިވާ ލިންކު މެދުވެރިކޮށް ބައިވެރިވުމަށް ހުށަހެޅޭނެއެވެ.
ގުޅުންހުރި
ދިރާސާކުރުމާއި ބެހޭ ވޯކްޝޮޕެއް އައި.ޔޫ.އެމްގައި!
ފުނަދޫގައި ފުރުތަމަ ފަހަރަށް އައި.ޔޫ.އެމްގެ އެޑްވާންސްޑް ސެޓްފިކެޓް އިން ބިޒްނަސް މެނޭޖްމަންޓް ފަށަނީ
އައި.ޔޫ.އެމް އާއި ހެލްތް މިނިސްޓްރީ ގުޅިގެން ސިއްޙީ ދާއިރާއާއި ގުޅޭ ކެމްޕެއިނެއް ފަށަނީ
އައިޔޫއެމްގައި އިޖްތިމާޢީ ދުޅަހެޔޮކަމާއި އެއްބައިވަންތަކަމާއި ގުޅޭ ސެޝަނެއް ބާއްވަނީ
ފަހުގެ
