80,000 ރުފިޔާގެ ފައިސާގެ އިނާމާއިއެކު އުރީދޫ މަސް ރޭސް މިއަހަރު ކ. ހުރާ އަދި ށ. ފުނަދޫގައި!

އުރީދޫ މަސްރޭސް 2025 މިއަހަރުވެސް ބޭއްވުމަށް ހަމަޖެހިފައިވާ ކަން ރަސްމީކޮށް އިއުލާނުކޮށްފިއެވެ.

އުރީދޫން މިއަދު ބުނީ މިއަހަރުގެ މަސްރޭވެސް ކުރިޔަށް ދާނީ މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއާ ގުޅިގެން ކަމަށެވެ. އެގޮތުން މިއަހަރުގެ މަސްރޭސް ބޭއްވުމަށް ނިންމާފައިވަނީ ކ. ހުރާއާއި ށ ފުނަދޫގައި އެވެ.

ހުރާގައި ބާއްވާ މަސްރޭސް އަންނަ މަހުގެ 22 ވަނަ ދުވަހު ބޭއްވުމަށް ނިންމާފައިވާއިރު ށ ފުނަދޫގައި މަސްރޭސް ބޭއްވުމަށް ތަވާލުކޮށްފައިވަނީ އަންނަ މަހުގެ 29 ވަނަ ދުވަހު އެވެ.

މި މަސްރޭހުގެ ރަޖިސްޓްރޭޝަން މިއަދު ހުޅުވާލާފައިވާއިރު ރަޖިސްޓްރީ ކުރުމުގެ ސުންގަޑި ހަމަވާނީ މިމަހުގެ 30 ވަނަ ދުވަހުގެ ނިޔަލަށެވެ. އުރީދޫން ބުނީ ރެޖިސްޓަރ ކުރުމަށް 12 މީހުން ހިމެނޭ ޓީމް ( ކެޕްޓަނާއި އޮފިޝަލުން ހިމެނޭހެން) ހެދުމަށްފަހު އޮންލައިކޮށް ފޯމް ހުށަހެޅޭނެ ކަމަށެވެ.

މިއަހަރު ކޮންމެ މަސް ރޭހެއްގައިވެސް މުޅިއަކު 80,000+ރ ގެ ފައިސާގެ އިނާމެއް ހަމަޖައްސާފައި އެވެ. މީގެ ތެރޭގައި

1. ޗެމްޕިއަން ޓީމް: 25000ރ
2. ދެވަނަ ޓީމް: 10000ރ
3. ތިންވަނަ ޓީމް: 5000ރ

އަދި އެންމެ މޮޅު އަންހެން އަދި ފިރިހެން މަސްވެރިޔާއަށް ވެސް އިނާމު ދިނުމަށް ވަނީ ނިންމާފައި އެވެ.

އުރީދޫން ބުނި އެކުންުފުނިން ބާއްވާ މަސްރޭހަކީ ހަމައެކަނި މުބާރާތަކަށް ވުރެ ބޮޑު ފެށުނީއްސުރެވެސް މަސްވެރިކަމުގެ އުފާވެރިކަމުގެ ތެރެއިން އެއްބައިވަންތަކަމުގެ ރޫހު އާލާކުރުވާ އަދި މުޖުތަމައުތަކުގެ ހިތްތަކުން ޖާގަ ހޯދާފައިވާ ހަރަކާތެއް ކަމަށެވެ. އެގޮތުން އުރީދޫ މަސްރޭސް 2025 ގައި ކޮންމެ ހިސާބަކުން ވެސް އެންމެ ގިނަވެގެން 16 ޓީމު ވާދަކުރާނެ ކަމަށާއި 16 ޓީމަށް ވުރެ ގިނައިން ރެޖިސްޓަރ ވެފައިވާ ނަމަ ބައިވެރިވާ ޓީމުތައް ހޮވުމަށް ޑްރޯއެއް ކުރިއަށް ގެންދިއުމަށް ވަނީ ހަމަޖެހިފަ އެވެ.

އަދި ނުހޮވޭ ޓީމުތަކަށް ފުލް ރިފަންޑް ލިބޭނެ ކަމަށް އެކުންުފުނީން ބުނެއެވެ. އުރީދޫ މަސްރޭސް 2025 ގައި ސަރުކާރުގެ މުއައްސަސާތަކާއި ކޯޕަރޭޓްތަކާއި އާންމުން ބައިވެރިވުމަށް އުރީދޫ މޯލްޑިވްސް އިން މަރުހަބާ ކިޔައެވެ.