ދެކުނުގެ އަތޮޅުތަކަށްވެސް ހުދު ސަމާލު ނެރެފި

މޫސުން ގޯސްވާނެ ކަމަށް ލަފާކޮށް ރާއްޖޭގެ ދެކުނުގެ އަތޮޅުތަކަށް ހުދު ސަމާޅު ނެރެފި އެވެ.

މޫސުމާއި ބެހޭ ގައިމީ އިދާޜާއިން ދާދި ދެންމެ އަކު ހުދު ސަމާލު ނެރުނީ ގއ އަތޮޅުން ފެށިގެން އައްޑޫ ސިޓީއާއި ހަމައަށެވެ. އެގޮތުން ހުދު ސަމާލު ނެރެފައިވަނީ މިއަދުގެ 14:00 އިން ފެށިގެން މިރޭގެ 18:00 ގެ ނިޔަލަށެވެ. ދެކުނުގެ 4 އަތޮޅަށް ނެރުނު ހުދު ސަމާލުގައި މޫސުމާއި ބެހޭ އިދާރާއިން ވަނީ އެސަރަހައްދުތަކަށް ބޯކޮށް ވާރޭވެހުމާއި އެކު ގުގުރާނެ ކަމަށް ލަފާކޮށްފައި އެވެ.

މީގެ އިތުރުން ވައިގަދަވެ ކަނޑުތައް ގަދަވާނެ ކަމަށް ލަފާކޮށް ލ އަތޮޅުން އައްޑޫ ސިޓީއާއި ހަމައަށް މިއަދުގެ 17:00 ގެ ނިޔަލަށްވެސް ހުދު ސަމާލެއް ވަނީ ނެރެފައި އެވެ.

މޫސުމާއި ބެހޭ ގައުމީ އިދާރާއިން މީގެ ކުރީން ވަނީ ހއ އަތޮޅުން ފެށިގެން ތ އަތޮޅާއި ހަަމައަށްވެސް ހުދު ސަމާލު ނެރެފައި އެވެ. އެގޮތުން ހއ އިން ތ އަށް ނެރުނު ހުދު ސަމާލުގެ މުއްދަތުގައި ގަޑިއަކު 19 މޭލާއި 24 މޭލާ ދެމެދުގެ ބާރު މިނުގައި ވައިޖެހި ކަނޑުތައް ގަދަވާނެ ކަމަށް ވަނީ ލަފާކޮށްފައި އެވެ.