ނެޝަނަލް ހެލްތު ލެބޯޓަރީގެ ތަހުލީލުތަކުގެ ފެންވަރު ބެލުމަށް އެސެސްމެންޓްތަކެއް ހަދައިފި

ނެޝަނަލް ހެލްތު ލެބޯޓަރީގެ ތަހުލީލުތަކުގެ ފެންވަރު ބެލުމަށް އެސެސްމެންޓްތަކެއް ހަދައިފި އެވެ.

ހެލްތު މިނިސްޓްރީން ބުނީ މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީ)ގެ ނެޝަނަލް ހެލްތު ލެބޯޓަރީގެ ތަހުލީލުތަކުގެ ފެންވަރު ބެލުމަށް އެސެސްމެންޓްތަކެއް ހަދާފައިވަނީ ތައިލެންޑުގެ ލެބޯޓަރީ އެކްރެޑިޓޭޝަން ބޯޑު (ބިއުރޯ އޮފް ލެބޯޓަރީ ކޮލިޓީ ސްޓެންޑަޑްސް (ބީއެލްކިޔުއެސް))ގެ ފަރާތުން ކަމަށެވެ.

މޯލްޑިވްސް ފުޑް އެންޑް ޑްރަގް އޮތޯރިޓީގެ ނެޝަނަލް ހެލްތު ލެބޯޓަރީގެ ތަހުލީލުތަކުގެ ފެންވަރު ހިފެހެއްޓުމަށްޓަކައި، 2008 އިން ފެށިގެން ލެބޯޓަރީ ވަނީ ބައިނަލްއަޤްވާމީ މިންގަނޑު "އައިއެސްއޯ/އައިއީސީ 17025" އަށް އެކްރެޑިޓް ކުރެވިފައެވެ.

މި އެކްރެޑިޓޭޝަންގެ ހާލަތު ވަޒަންކުރުމަށާއި، އެކްރެޑިޓް ކުރެވިފައިވާ ތަހުލީލުތަކުގެ ދާއިރާ ފުޅާކުރުމުގެ މަޤްޞަދުގައި، މިއެސެސްމަންޓް މިމަހުގެ 10 އިން 11 އަށް ކާމިޔާބުކަމާއެކު ކުރިއަށް ގެންގޮސްފައިވެއެވެ.