ފަލަސްޠީނު ރައްޔިތުންނަށް ދިވެހީންގެ ފަރާތުން ބައި މިލިއަން ރުފިޔާގެ ކާބޯތަކެތީގެ އެހީތެރިކަން ފޯރުކޮށްދީފި

މިއަހަރުގެ ފިޠުރު ޒަކާތުގެ ގޮތުގައި ދިވެހިރާއްޖޭގެ ޒަކާތު ހައުސްއަށް ލިބުނު ފައިސާގެ ތެރެއިން ބައި މިލިއަން ރުފިޔާގެ ކާބޯތަކެތީގެ އެހީތެރިކަން ފޯރުކޮށްދީފިއެވެ.

ދިވެހިރާއްޖޭގެ ޒަކާތު ހައުސްއިން މި ފައިސާ ހަވާލުކޮށްފައިވަނީ އިސްރާ އެސޯއިއޭޝަނާއެވެ. އަދި އެ އެސޯސިއޭޝަނާއި ފަލަސްޠީނުގައި ހަރަކާތްތެރިވާ އެހީދޭ ފަރާތްތައް ގުޅިގެން މި އެހީ މިހާރުވަނީ ފަލަސްޠީނު ރައްޔިތުންނާއި ހަމައަށް ފޯރުކޮށްދީފައެވެ. މި އެހީ ފޯރުކޮށްދޭ ވީޑިއޯ ވުޒާރާއިން މިއަދު ވަނީ އާއްމުކޮށްފައެވެ.

އެ ވީޑިއޯއިން ފެންނަނީ ފަލަސްތީނުގެ ސުންނާފަތިވެފައިވާ ގެތަކުގައި ދިރިއުޅޭ ރައްޔިތުންނަށް ދިވެހިންގެ ކާބޯތަކެތީގެ އެހީ ފޯރުކޯށްދޭ މަންޒަރެވެ.

ޒަކާތު ފަންޑު މެދުވެރިކޮށް މީގެ ކުރިންވެސް ފަލަސްތީނަށް ގިނަ އެހީތަކެއް ވެދީފައިވާކަން ފާހަގަކޮށްލެވެއެވެ.