އަޔާދީ ތަކާފުލްގެ ޙައްޖު އަދި ޢުމްރާ ތަކާފުލްއިން 50 ޕަސެންޓު ޑިސްކައުންޓު!

އެލައިޑް އިންޝުއަރަންސް ކުންފުނީގެ އިސްލާމިކް ވިންޑޯ، އަޔާދީ ތަކާފުލްގެ 11 ވަނަ އަހަރީ ދުވަސް ފާހަގަކުރުމުގެ ގޮތުން އެކުންފުނީގެ އެންމެ މަޤުބޫލު އެއް ހިދުމަތް ކަމުގައިވާ "ޙައްޖު އަދި ޢުމްރާ ތަކާފުލް"ގެ އަގަށް ހެޔޮ ބަދަލުތަކެއް ގެނެސްފިއެވެ.

50% އަށް ވުރެ ބޮޑު ޑިސްކައުންޓަކާއި އެކު ގެނެސްފައިވާ މިބަދަލުގެ ދަށުން، މިހާރު ކޮންމެ ޙައްޖު އަދި ޢުމްރާވެރިއަކަށްވެސް 300 ރުފިޔާއަށް މިޕްލޭން ބައްލަވައިގަނެވޭނެ ކަމަށް އެލައިޑުން ބުނެއެވެ.

ޙައްޖާއި ޢުމްރާގެ އަޅުކަމުގެ ދަތުރުމަތީގައި ދިމާވެދާނެ ޞިއްޙީ އަދި މާލީ ގެއްލުން ލިބޭ ހާލަތްތައް ހިމަނައިގެން ތައްޔާރުކޮށްފައިވާ ޙައްޖު ތަކާފުލް ގެ އަސްލު އަގަކީ 750 ރުފިޔާއެވެ. އަދި ޢުމްރާ ތަކާފުލްގެ އަސްލު އަގަކީ 550 ރުފިޔާއެވެ.

އަޔާދީ ތަކާފުލްއިން މަޢުލޫމާތު ދޭ ގޮތުގައި ވޭތުވެދިޔަ 11 އަހަރުވެސް ކުންފުނީގެ މައިގަނޑު އަމާޒަކަށްވެފައިވަނީ ރައްޔިތުންނަށް އަތްފޯރާފަށުގައި ރައްކާތެރިކަން ކަށަވަރު ކުރެވޭނެ، އިސްލާމީ ޝަރީއަތާ ރައްޓެހި އިންޝުއަރަންސްނިޒާމެއް ޤާއިމްކުރުމަށެވެ. އެގޮތުން، މިފަހަރު އަލަށް ގެނެވުނު ބަދަލާއި އެކު ޙައްޖު އަދި ޢުމްރާއަށް ދާ ފަރާތްތަކަށް ޕްލޭން ނެގުމަށްޓަކައި ލުއި ފަސޭހަ އިންތިޒާމްތަކެއް ހަމަޖެހިފައިވާކަން އެކުންފުނިން ފާހަގަކުރެއެވެ.

އެގޮތުން ބޭންކް އޮފް މޯލްޑިވްސް އިން ޙައްޖާއި ޢުމްރާވެރިންނަށް ޑޮލަރު ދޫކުރަމުންދާ، ސަލްމާން މިސްކިތުގެ 5ވަނަ ފަންގިފިލާއިން ޙައްޖާއި ޢުމްރާއަށް ޙާއްޞަ ތަކާފުލް ޕްލޭންގެ މަޢުލޫމާތު ސާފުކޮށް، ނެގޭނެ އިންތިޒާމްވަނީ މިހާރު އެކުންފުނިން ހަމަޖައްސާފައި އެވެ.

މިޚިދުމަތް ލިބޭނެ ގަޑިތަކަކީ 27 ފެބްރުވަރީއާއި ހަމައަށް ހެނދުނު 9 އިން 2 އަށެވެ. އެއަށްފަހު، 13 މާރިޗުގެ ނިޔަލަށް ޚިދުމަތަށް ޚާއްޞަކުރެވިފައިވާ ގަޑިއަކީ ހެނދުނު 9 އިން 11:30 އަށެވެ. މީގެ އިތުރުން، ކުރިއެކޭވެސް އެއްގޮތަށް މައި އެލައިޑް ޕޯޓަލާއި އެލައިޑް އެޕް މެދުވެރިކޮށް ވަގުތުން މިޕްލޭން ބައްލަވައިގަނެވޭނެ ކަމުގައި އަޔާދީއިން މަޢުލޫމާތު ދެއެވެ.