3 އަހަރުގެ ކުޑަކުއްޖަކަށް މެއިޑަކު އަނިޔާކުރި މައްސަލައެއް ބަލަނީ

މާލޭގައި 3 އަހަރުގެ ކުޑަކުއްޖަކަށް މެއިޑަކު އަނިޔާކުރި މައްސަލައެއް ބަލަންފަށައިފި އެވެ.

ފުލުހުން މިއަދު ބުނީ މާލޭގައި 3 އަހަރުގެ ކުޑަކުއްޖަކަށް ގޭގައި ގެންގުޅޭ ނޭޕާލުގެ އަންހެނަކު އަނިޔާކުރި ކަމަށް ތުހުމަތުކުރެވޭ މައްސަލައެއް ފުލުހުންނަށް ހުށަހަޅާަފައިވާ ކަމަށެވެ.

އަދި މި މައްސަލަ ފުލުހަށް ހުށަހަޅާފައިވަނީ އިއްޔެގެ ވަގުތެއްގައި ކަމަށާއި މި މައްސަލައާއި ގުޅިގެން އަދި މިހާތަނަށް މީހަކު ހައްޔަރުކޮށްފައި ނުވާކަމަށް ފުލުހުން ބުންޏެވެ.

މި މައްސަލަ އިތުރަށް ތަހުގީގު ކުރަމުންދާކަން ހާމަކުރި ނަމަވެސް މި މައްސަލައާއި ގުޅޭ މާބޮޑު ތަފްސީލެއް އަދި ފުލުހުން ހާމައެއް ނުކުރެއެވެ.