ބޮޑު އަލިފާންގަނޑެއް އަދަމުން އަންނަ އެމެރިކާގެ ލޮސް އެންޖަލިސްގައި ސިއްހީ ކުއްލި ނުރައްކަލުގެ ހާލަތު އިއުލާނުކޮށްފި އެވެ.
ލޮސް އެންޖެލިސް ކައުންޓީގެ ޕަބްލިކް ހެލްތު އޮތޯރިޓީން ބުނީ އަލިފާނުގެ ހާދިސާތަކުގައި ދުމާއި އަލިފާނުގެ ސަބަބުން ވައިގެ ކޮލިޓީ ދަށްވަމުންދާތީ ސިއްހީ ކުއްލި ނުރައްކަލުގެ ހާލަތު އިއުލާނުކުރާ ކަމަށެވެ.
އަލިފާނުގެ ހާދިސާތަކާއިއެކު ވައިގަދަވުމުގެ ސަބަބުން "ވައިގެ ކޮލިޓީ ވަރަށް ބޮޑަށް ދަށަށް ހިނގައްޖެ... އާންމު ސިއްހަތަށް ވަގުތުން އަދި ދިގު މުއްދަތަކަށް ނުރައްކާވުން" ބަޔާނުގައި ވެ އެވެ.
އެލްއޭ ކައުންޓީ ޕަބްލިކް ހެލްތުން ވަނީ އެ އެވެކުއޭޝަން އޯޑަރުތައް ނެރެފައިވާ ނުވާ ސަރަހައްދުތަކުގެ މީހުން ގޭގައި ތިބުމަށާއި ބިއްލޫރިތަކާއި ދޮރުތައް ބަންދުކޮށްފައި ބެހެއްޓުމަށާއި ވައި ފިލްޓަރ ކުރުމަށް އެއާކޮންޑިޝަނަރު ބޭނުންކުރުމަށް އިލްތިމާސްކޮށްފަ އެވެ.
އަދި ބޭރަށް ނިކުންނަން ޖެހިއްޖެ ނަމަ މާސްކު އެޅުމަށް އިލްތިމާސްކުރެ އެވެ.
ފަހުގެ
