--
ރާއްޖޭގައި 2023 ވަނަ އަހަރު 20593 ސާރޖަރީ ކޮށްފައިވާ ތަމަށް ހެލްތު މިނިސްޓްރީގެ ތަފާސް ހިސާބުތަކުން ދައްކައިފިއެވެ.
އެ މިނިސްޓްރީން ވަނީ 2022 އަދި 2023 ވަނަ އަހަރު ކުރެވުނު ސާރޖަރީ ތަކުގެ ތަފާސްހިސާބުތައް އާއްމުކޮށްފައެވެ. އެގޮތުން އެތަފާސް ހިސާބުތަކުން ދައްކާގޮތުގައި 2023 ވަނަ އަހަރު ކުރެވުނު ސާރޖަރީ ތަކުގެ ތެރޭގައި އަންހެނުންނައި ފިރިހެނުންގެ ޕަސަންޓޭޖް ހުރީ އެއްވަރެއްގައެވެ. 10292 ފިރިހެނުން ސަރޖަރީ ހެދިއިރު 10301 އަންހެނުން ވަނީ 2023 ވަނަ އަހަރު ސަރޖަރީ ހަދާފައެވެ.
އޭގެ ތެރޭގައި މާލޭގެ ހޮސްޕިޓަލުތަކުގައި ކުރި 16,163 ސާޖަރީ ހިމެނެއެވެ. މާލެއިން ބޭރުން ދެން އެންމެ ގިނަ ސާޖަރީތައް ކޮށްފައިވަނީ ސ އަތޮޅުގައި އެވެ. އެގޮތުން އެއަތޮޅުގައި 1031 ސާޖަރީ ވަނީ ކޮށްފައެވެ. އަދި ދެވަނައަށް އެންމެ ގިނަ ސާޖަރީ 753 ސާޖަރީއާއި އެކު ހދ އަތޮޅުގައި ކޮށްފައިވާއިރު ޅ އަތޮޅުގައި 603 ސާޖަރީ ވަނީ ކޮށްފައެވެ. ގދ އަތޮޅުގައި 356 ސާޖަރީ ކޮށްފައިވާއިރު ލ އަތޮޅުގައި 303 ސާޖަރީ އަދި ރ އަތޮޅުގައި 300 ސާޖަރީ ވަނީ ކޮށްފައެވެ. ދެން ހުރި ބައެއް އަތޮޅުތަކުގައި ސާޖަރީ ކުރި އަދަދުތައް އުޅެނީ 200 އިން ދަށުގައި އެވެ.
މިދިޔަ އަހަރު ސާޖަރީއެއް އެއްވެސް ގޮތަކަށް ކޮށްފައިނުވަނީ ވ އަތޮޅުގައި އެވެ. ވ އަތޮޅަކީ އަތޮޅު ހޮސްޕިޓަލެއް ހުންނަ އަތޮޅެއް ނޫނެވެ.
މިދިޔަ އަހަރަށްބަލާއިރު ބޮޑެތި ސާޖަރީތައް އެންމެ ގިނައިން ކޮށްފައިވަނީ އަންހެނުންނެވެ. އެގޮތުން އަންހެނުންގެ 6601 ބޮޑޫ ސާޖަރީކޮށްފައިވާއިރު ފިރިހެނުންގެ ކޮށްފައިވަނީ 3335 ސާޖަރީ އެވެ. ކުޑަސާޖަރީ ތަކަށް ބަލާއިރު ފިރިހެނުންގެ 6366 ކުދި ސާޖަރީތައް ކޮށްފައިވާއިރު އަންހެނުންގެ ކޮށްފައިވަނީ 3691 ސާޖަރީ ކަމަށް ތަފާސްހިސާބުތަކުން ދައްކައެވެ.
މިދިޔަ އަހަރު ރާއްޖޭގައި ކުރި ސާޖަރީތަކުގެ 53 އިންސައްތަ ސާޖަރީތަކަކީ ސަރުކާރުގެ ހޮސްޕިޓަލްތަކުގައި ކޮށްފައިވާ ސާޖަރީތަކެކެވެ. އެގޮތުން 10859 ސާޖަރީ ސަރުކާރުގެ ހޮސްޕިޓަލުތަކުގައި ކުރި އިރު 47 އިންސައްތައާއި އެކު 9734 ސާޖަރީއަކީ ޕްރައިވެޓް ހޮސްޕިޓަލުތަކުގައި ކޮށްފައިވާ ސާޖަރީތަކެވެ.
ފަހުގެ
