މިރޭ 10 ގެ ފަހުން ހިޔާގެ ދެ ފްލެޓަކުން ފެނުގެ ހިދުމަތް މެދުކެނޑޭނެ!

މިރޭ 10 ގެ ފަހުން ހިޔާ ދެ ފްލެޓަކުން ފެނުގެ ހިދުމަތް މެދުކެނޑޭނެ ކަމަށް އެމްޑަބްލިއުއެސްސީއިން ބުނެފި އެވެ.

އެމްޑަބްލިއުއެސްސީއިން މިރޭ އެކްސްގައި ކުރި ޕޯސްޓެއްގައި ބުނީ ފޭސް 2 ގެ ފެނުގެ ވިޔުގައިގެ މެއިންޓެނެންސް މަސައްކަތަކެއް ކުރުމަށްޓަކައި ހިޔާ ފްލެޓު 3 އަދި 4 ގެ ހުރިހާ ފަންގިފިލާއަކުން ފެނުގެ ހިދުމަތް މެދުކެނޑޭނެ ކަމަށެވެ.

އެގޮތުން ހިދުމަތް މެދުކެނޑިގެންދާނީ މިރޭގެ 22:30 އިން ފެށިގެން މެންދަމު 03:00 ގެ ނިޔަލަށް ކަމަށް އެމްޑަބްލިއުއެސްސީން ބުނެއެވެ.

މިކަމުގެ ސަބަބުން ދިމާވާނެ ދަތިތަކަށް އެކުންފުނިން ވަނީ ކަސްޓަމަރުންގެ ކިބައިން މާފަށް އެދިފައި އެވެ.