--
އޮކްސްފޯޑްޝަޔާގެ ސަހަރާއަކުން ގާތްގަނޑަކަށް 200 އެއްހާ ޑައިނަސޯގެ ފައިގެ ނިޝާންތައް ފެނިއްޖެ އެވެ.
ރިޕޯޓުތައް ބުނާގޮތުގައި މި ނިޝާންތަކަކީ މީގެ 166 މިލިއަން އަހަރު ކުރީގެ ނިޝާންތަކެކެވެ. އެނިޝާންތައް ފެނިފައި ވަނީ ލައިމްސްޓޮން ސަހަރާގައި މަސައްކަތް ކުރާ މީހަކަށް "އާދަޔާ ހިލާފު ކަމެއް" ފާހަގަކުރެވުމުން، ޑެވާސް ފާމް ސަހަރާ އިތުރަށް ތަހްލީލު ކުރުމުގެ ތެރެއިންނެވެ.
މިއީ "ޑައިނަސޯ ހައިވޭ"ގެ ބައެއް ކަމަށް ސައިންސްވެރިން ބުނާ އިރު، ފައިގެ ނިޝާންތަކުގެ ފަސް ޓްރެކެއް ވަނީ ފެނިފަ އެވެ.
ހޫނު މޫސުމާއި އެކު ހިކުނުކަމަށް ބުނާ މި ސަހަރާގެ ތެރެއިން ފެނުނު އެންމެ ދިގު ކޮންޓިނިއުސް ޓްރެކްގެ ދިގުމިނުގައި 150 މީޓަރަށް ވުރެ ގިނަ އެވެ.
ކަމަބެހޭ ފަރާތްތަކުން ބުނާގޮތުގައި ފެނުނު ފަސް ޓްރެކުގެ ތެރެއިން ހަތަރު ސެޓުން ފެންނަނީ ދިގުމިނުގައި ގާތްގަނޑަކަށް 18 މީޓަރަށް ބޮޑުވެފައިވާ ޑައިނަސޯއެއް ކަމަށްވާ ސެޓިއޯސޯރަސްގެ ފިޔަވަޅުތަކެކެވެ.
ސައިންސްވެރިން ބުނި ގޮތުގައި ފަސް ވަނަ ޓްރެކްއިން ފެންނަނީ މެގަލޯސޯރަސް ނަމަކަށް ކިޔާ ޑައިނަސޯއެއްގެ ފިޔަވަޅުތަކެވެ.
މި ނިޝާންތައް ދިރާސާކުރުމަށް އޮކްސްފޯޑާއި ބާމިންހަމް ޔުނިވާސިޓީގެ 100 އަށް ވުރެ ގިނަ މީހުންގެ ޓީމެއް ހަރަކާތެރިވި ކަމަށް ރިޕޯޓުތައް ބުނެއެވެ. އިތުރު ދިރާސާތަކަށް އެތަނުން ގާތްގަނޑަކަށް 20،000 ފޮޓޯ ނަގާފައިވާއިރު ގާތްގަނޑަކަށް 200 އެއްހާ ފައިގެ ނިޝާންތައް ވަނީ ފެނިފައި ކަމަށް ރިޕޯޓުތައް ބުނެއެވެ.
ފަހުގެ
