ފުލުހުންގެ ވާޖިބަށް ހުރަސްއެޅި މީހަކު ހައްޔަރުކޮށްފި: ބަންދަށް 5 ދުވަސް!

ރާއްޖޭގެ މައި ހޮސްޕިޓަލް, އައިޖީއެމްއެޗް ޑިއުޓީގައި ތިބި ފުލުހުންގެ ވާޖިބަށް ހުރަސްއެޅި މީހަކު ހައްޔަރުކޮށްފި އެވެ.

ފުލުހުން މިއަދު ބުނީ ހޮނިހިރު ދުވަހުގެ ހަވީރު 4:00 ހާއިރު އައިޖީއެމްއެޗްގެ ޑިއުޓީގައި ތިބި ފުލުހުންގެ އަމުރަށް ނުކިޔަމަންތެރިވެ ފުލުހުންގެ ވާޖިބަށް ހުރަސްއެޅި މައްސަލަ ތަހުގީގު ކުރަމުން ދާ ކަމަށާއި އެމައްސަލައާއި ގުޅިގެން މީހަކު ހައްޔަރުކޮށްފައިވާ ކަމަށެވެ.

އެގޮތުން ހައްޔަރުކޮށްފައިވަނީ މ. ސްޓާ، އުމުރުން 48 އަހަރުގެ މުހައްމަދު ރަޒީން އެވެ. ފުލުހުން ވަނީ އޭނާގެ ފޮޓޯވެސް އާންމުކޮށްފައެވެ.

އޭނާގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުމުން ބަންދަށް 5 ދުވަސް ދީފައިވާ ކަމަށް ފުލުހުން ވަނީ ބުނެފައި އެވެ.

ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.