ފުވައްމުލަކުގައި ލީޑަރޝިޕް ކޭމްޕެއް

ފުވައްމުލަކު ސިޓީގައި މޯލްޑިވްސް ނެޝަނަލް ލައިބްރަރީން ލީޑަރޝޮޕް ކޭމްޕެއް ފަށައިފިއެވެ.

100 އަށް ވުރެ ގިނަ ބައިވެރިންނާއެކު ފެށި މި ކޭމްޕަކީ ލީޑަރޝިޕްގެ މުހިންމު ހުނަރާއި އަމަލީ އިލްމު ލިބިފައިވާ ބައިވެރިން ބާރުވެރި ކުރުވުމަށް ފަރުމާކޮށްފައިވާ އިމަރސިވް އަދި ޓްރާންސްފޯމަޓިވް ތަޖުރިބާއެކެވެ.

މި ޕްރޮގްރާމްގެ ތެރޭގައި ބައިވެރިން ވަނީ ޓީމް ބިލްޑިން ކަސްރަތުތަކާއި ވޯކްޝޮޕްތަކާއި އިންޓަރެކްޓިވް ސެޝަންތަކުގައި ބައިވެރިވެ، އިތުބާރާއި މައްސަލަ ހައްލުކުރުމާއި ނިންމުންތައް ނިންމުމުގެ ގާބިލްކަން އިތުރުކޮށްފައެވެ.

ލީޑަރޝިޕް ޓްރެއިނިންގެ އިތުރުން، ޕާސަނަލް އަދި ޕްރޮފެޝަނަލް ގްރޯތް އަށް އެހީތެރިވުމަށް ކޮމިއުނިޓީ ޓޫލްސް ލީވަރ ކުރުމުގެ އަގު ބައިވެރިންނަށް ތަޢާރަފްކޮށްދިފައިވާއިރު އަމަލީ ސެޝަންތަކުގައި ޕަބްލިކް ލައިބްރަރީތަކާއި، ކޮމިއުނިޓީ ސެންޓަރުތަކާއި، ލޯކަލް އޯގަނައިޒޭޝަންތައް ފަދަ ވަސީލަތްތަކަށް އަލިއަޅުވާލާފައިވާ ކަމަށް ނެޝަނަލް ލައިބްރަރީން ވަނީ ބުނެފައެވެ.

ނެޝަނަލް ލައިބްރަރީން އިތުރަށް ބުނީ، މި ވަސީލަތްތައް ބޭނުންކޮށްގެން އެމީހުންގެ ޢިލްމު ފުޅާކުރުމާއި، އެހެން މީހުންނާ ގުޅިގެން މަސައްކަތްކުރުމާއި، މުޖުތަމަޢުތަކަށް މާނަހުރި ގޮތެއްގައި ޚިދުމަތް ދިނުމަށް ބައިވެރިންނަށް ދަސްވެގެންދިޔަ ކަމަށެވެ.