އިސެސްކޯއިން ރާއްޖޭގެ ޓީޗަރުންނަށް ޚާއްސަ ވޯކްޝޮޕެއް ފަށައިފި

އިސެސްކޯ-މޯލްޑިވްސް ޓްރެއިނިންގ އޮފް ޓްރެއިނާރސް ވޯކްޝޮޕް އޮން ކްލައިމެޓް ސްމާރޓް އެންޑް ގްރީނިންގ އެޑިޔުކޭޝަން އިން މޯލްޑިވިއަން ސްކޫލްސް " ގެ ނަމުގައި ހާއްސަ ވޯކްޝޮޕެއް ފަށައިފިއެވެ.

މިއަދު ފެށުނު ހާއްސަ ޓީ.އޯ.ޓީ ގެ މަގުސަދަކީ، ސްކޫލު މާހައުލުގައި ހަރަކާތްތެރިވާ ފަރާތްތަކުގެ އިތުރުން މުޅި މުޖުތަމައު ތިމާވެއްޓަށް އަހުލުވެރިކުރުވާ، ތިމާވެއްޓާ ގުޅުން ހުރި މައުލޫމާތު ފޯރުކޮށްދީ، ދެމެހެއްޓެނިވި އާދަތައް ކުރިއެރުވުމަށް، ކުރިޔަށް ގެންދާ އުނގަންނައި ދިނުމުގެ ހަރަކާތަކަށް މުދައްރިސުން އަހުލުވެރި ކުރުވުމުގެ އިތުރުން، ތިމާވެއްޓާ ގުޅޭ ތައުލީމު ފޯރުކޮށްދިނުމަށް މުދައްރިސުންގެ ގާބިލުކަން އިތުރުކުރުމެވެ.

މާލެއާއި އަތޮޅުތެރޭގެ ސްކޫލުތަކާއި އެން.އައި.އީ ޝާމިލުވާގޮތަށް 70 ބޭފުޅުން ބައިވެރިވާ މި ޓީ.އޯ.ޓީ ގެ ސެޝަންތައް ނަންގަވައިދެއްވަނީ އިސެސްކޯގެ އެޑިޔުކޭޝަން ސެކްޓަރގެ ހެޑް ޑރ. ޚަދީޖާ އާއި އިސެސްކޯ އެޑިޔުކޭޝަން އެކްސްޕަރޓް ވަގާރސް ނާސިރު އަފްރިދީ، އެމް.އެން.ޔޫ ގެ ކޮލެޖް އޮފް ފިޝަރީޒް އެންޑް އޯޝަން ސައިންސް ގެ ޑީން ޑޮކްޓަރ އަޙުމަދު ރިޔާޒު ޖައުހަރީ އާއި، ސޮނެވާ ނަމޫނާގެ ފަރާތުން އަޒުހޫރާ އަޙުމަދާއި، އަލްފާޟިލާ ޚަދީޖާ ޙާމިދުގެ އިތުރުން އެން.އައި.އީގެ ސީނިއަރ ކަރިކިއުލަމް ޑިވޮލޮޕްމެންޓް އެނަރލިސްޓް ގުލްފިޝާން ޝަފީޢު ޢާއި އާމިނަތު މުޙައްމަދެވެ.

އިސެސްކޯ ގެ އެހީތެރިކަމާއެކު 2024 ޑިސެންބަރު 15 އިން 16 އަށް ސީ.އެޗް.އެސް.އީ-މާލޭގެ ހޯލުގައި ކުރިޔަށްދާ މި ޓީ.އޯ.ޓީ ފެށުމުގެ ރަސްމިއްޔާތު ޝަރަފުވެރިކޮށްދެއްވީ، މިނިސްޓަރ އޮފް ސްޓޭޓް ފޮރ އެޑިޔުކޭޝަން އަބްދުއްލަޠީފް މުޙައްމަދެވެ.