ބްރިޖުގައި ނުރައްކާތެރި އެކްސިޑެންޓެއް ހިނގައި ދިވެހި ފިރިހެނަކު ސީރިއަސް ހާލަތުގައި!

ބްރިޖުގައި އެކްސިޑެންޓެއް ހިނގައި ދިވެހި ފިރިހެނަކަށް ސީރިއަސް އަނިޔާތަކެއް ލިބިއްޖެ އެވެ.

ފުލުހުން މިއަދު ބުނީ ސިނަމާލެ ބްރިޖު އެއާޕޯޓު ލައިޓު ކައިރިން ސައިކަލެއް ފެންސްގައި ޖެހި ހާދިސާއެއް ހިނގާފައިވާ ކަމަށް މިއަދު 5:35 ހާއިރު ރިޕޯޓުކޮށްފައިވާ ކަމަށެވެ.

އެގޮތުން މި ހާދިސާގައި އެސައިކަލުގައި އިން މީހާ އަށް އަނިޔާވެގެން އައިޖީއެމްއެޗް ގައި ފަރުވާދެމުންދާ ކަމަށާއި އެއީ 53 އަހަރުގެ ދިވެހި ފިރިހެނެއް ކަމަށް ފުލުހުން ވަނީ ބުނެފައި އެވެ.

މި އެކްސިޑެންޓުގައި އަނިޔާވި މީހާގެ ހާލު ސީރިއަށް ކަމަށް ހޮސްޕިޓަލުން މައުލޫމާތު ދީފައިވާކަންވެސް ފުލުހުން ވަނީ ހާމަކޮށްފައި އެވެ.

މި ހާދިސާއާއި ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުންނެވެ.