އަންނަ އަހަރުގެ މޭ/ޖޫންގެ އޯލެވެލް އިމްތިޙާނުގެ ނޯމަލް އެންޓްރީގެ އެޕްލިކޭޝަނަށް ހުޅުވާލައިފި

2025 ވަނަ އަހަރުގެ މޭ/ޖޫން ކޭމްބްރިޖް އޯލެވެލް އަދި އެސް.އެސް.ސީ އިމްތިޙާނުގެ ނޯމަލް އެންޓްރީގެ އެޕްލިކޭޝަނަށް ހުޅުވާލައިފިއެވެ.

ތައުލީމާއި ބެހޭ ވުޒާރާއިން މިއަދު ބުނީ އެޕްލިކޭޝަން ހުށަހެޅުމުގެ ސުންގަޑިއަކީ 10 ޑިސެންބަރު 2024 ވާ އަންގާރަ ދުވަހުގެ މެންދުރު ފަހު 13:30 ކަމަށެވެ.

އެޕްލިކޭޝަން ފޯމް, ޑިޕާޓްމަންޓް އޮފް ޕަބްލިކް އެގްޒަމިނޭޝަންސްގެ ކައުންޓަރުންނާއި ( ހ.އަޝްރަފީ ވިލާ، ދެވަނަ ފަންގިފިލާ. މަޖީދީމަގު) އަދި ވެބްސައިޓް އިން ލިބެން ހުންނާނެއެވެ. އޮންލައިންކޮށް ފޯމް ހުށަހަޅުއްވާނަމަ މެއިލް ކުރައްވާނީ އަށެވެ.

ސަރުކާރު ބަންދު ނޫން ކޮންމެ ދުވަހެއްގެ ވެސް ހެނދުނު 08:30 އިން 13:30 އަށް ފޯމް ބަލައިގަތުމަށް ހަމަޖެހިފައިވާ އިރު، މި އެޕްލިކޭޝަންތަކަށް ފައިސާ ބަލައިގަތުމުގެ އިންތިޒާމް ހަމަޖެހިފައިވަނީ ބަނޑޭރި ޕޭ ޕޯޓަލް މެދުވެރިކެވެ. އަދި ފޯމް ހުށަހަޅުއްވާ އިރު ދިވެހިރައްޔިތެއްކަން އަންގައިދޭ ކާޑުގެ އަސްލާއި ފޮޓޯކޮޕީ ހިފައިގެން ވަޑައިގެންނެވުން އެދެމެވެ.

އަންނަ އަހަރު ރާއްޖޭގައި ދެބަޔަކަށް ބަހާލައިގެން އޯލެވެލް އިމްތިހާނު ބާއްވާނެ އެވެ. އެގޮތުން ދިރާސީ ކަލަންޑަރަށް ގެނައި ބަދަލާއި އެކު މޭ/ޖޫން ގެ އިތުރުން އޮކްޓޯބަރ/ނޮވެމްބަރ ގައިވެސް އޯލެވެލް އިމްތިހާނު ރާއްޖޭގައި ބާއްވާނެ އެވެ.