ހުޅުމާލޭގެ ވަން އެވެނިއުގެ އެޕާޓްމެންޓަކަށް ބަޔަކު ވަދެ ގެއްލުން ދިން މައްސަލައެއް ބަލަނީ

ހުޅުމާލޭގެ ވަން އެވެނިއުގެ އެޕާޓްމެންޓަކަށް ބަޔަކު ވަދެ ގެއްލުން ދިން މައްސަލައެއް ބަލަމުންދާ ކަމަށް ފުލުހުން ބުނެފި އެވެ.

ދިވެހި ފުލުހުންގެ ހިދުމަތުން މިއަދު ބުނީ މިއަދު ހެނދުނު 6:32 ހާއިރު ހުޅުމާލޭގެ ވަން އެވެނިއުގެ އެޕާޓްމެންޓަކަށް ވަދެ މުދަލަށް ގެއްލުންދިން މައްސަލައެއް އެއިދާރާއަށް ރިޕޯޓުކޮށްފައިވާ ކަމަށެވެ.

ނަމަވެސް މައްސަލައާއި ގުޅޭ އިތުރު ތަފްސީލެއް ހާމަކޮށްފައި ނުވާއިރު ފުލުހުން ބުނީ މި މައްސަލައާއި ގުޅިގެން ބަލަންޖެގޭ ކަންކަން ފުލުހުން ބަލަމުންދާ ކަމަށެވެ.

އަދި މި މައްސަލައާއި ގުޅިގެން މީހަކު ހައްޔަރުކުރި ކަމެއް ފުލުހުން ހާމަކޮށްފައެއް ނުވެއެވެ.

މީސް މީޑިއާގައި މި މައްސަލައާއި ގުޅިގެން ދައުރުވަމުންދާ ޕޯސްޓެއްގައި ބުނެފައިވާގޮތުގައި މިއަދު ހެނދުނު ވަން އެވެނިއުގެ އެޕާޓްމެންޓަކަށް ދެމީހަކު ވަދެ އެއެޕާޓްމެންޓުގައި އުޅޭ ބަޔަކަށް މަރުގެ އިންޒާރު ދީފައިވާ ކަމަށެވެ.