ގާފު މީޑިއާ ގުރޫޕްގެ އެމްޑީ ހުސެއިން އަހުމަދު (ވ) އަދި ހަވަރު ސްޕޯޓްސްގެ ފައުންޑާ މުހައްމަދު އިސްމާއިލް (ކ).. ފޮޓޯ: ގާފު ސްޕޯޓްސް
ހަވަރު ސްޕޯޓްސްގެ ފަރާތުން އިންތިޒާމްކޮށް މިމަހު 24 ގައި ފެށުމަށް ހަމަޖެހިފައިވާ "ތިނަދޫ ސިޓީ ކައުންސިލް ފުޓްސަލް މުބާރާތް 2024" ގެ މިޑިއާ ޕާޓްނަރަކަށް ގާފު ސްޕޯޓްސް ހަމަޖައްސައިފިއެވެ.
މުބާރާތުގެ މީޑިއާ ޕާޓްނަރާއެކު ބޭއްވުނު ސޮއިކުރުމުގެ ރަސްމިއްޔާތުގައި ހަވަރު ސްޕޯޓްސްގެ ފަރާތުން ސޮއިކުރެއްވީ އެކުލަބުގެ ފައުންޑާ މުހައްމަދު އިސްމާއިލް އެވެ. އަދި މިއެއްބަސްވުމުގައި ގާފު ސްޕޯޓްސް ކުލަބުގެ ފަރާތުން ސޮއިކުރެއްވީ ގާފު މީޑިއާ ގުރޫޕްގެ މެނޭޖިން ޑައިރެކްޓާ ހުސެއިން އަހުމަދު އެވެ.
ހަވަރު ސްޕޯޓްސް އިން އިންތިޒާމުކޮށް މުޅި ހުވަދު އަތޮޅަށް ހުޅުވާލައިގެން ބާއްވާ މިއަހަރުގެ މުބާރާތުގައި ޖުމްލަ 12 ޓީމަކުން ބައިވެރިވެފައިވާއިރު، މުބާރާތުގެ މެޗުތައް ކުރިއަށް ގެންދިއުމަށް ހަމަޖެހިފައިވަނީ ބައިވެރިވި 12 ޓީމު ތިން ގުރޫޕަކަށް ބަހާލައިގެންނެވެ.
އެގޮތުން ކޮންމެ ގުރޫޕަކުންވެސް އެންމެ ރަނގަޅު ނަތީޖާއެއް ހޯދާ ދެޓީމުގެ އިތުރުން ތިން ގުރޫޕުން ތިންވަނަ ހޯދާ ޓީމުތަކުގެ ތެރެއިން އެންމެ ރަނގަޅު ނަތީޖާއެއް ހޯދާ ދެޓީމަށް ވެސް މުބާރާތުގެ ކުއާޓާ ފައިނަލުން ޖާގަ ލިބިގެންދާނެއެވެ.
ޗެންޕިއަން ޓީމަށް 50000 އަދި ރަނަރަޕް ޓީމަށް 25000 ރުފިޔާގެ ފައިސާގެ އިނާމް ހުށަހަޅާފައިވާ މި މުބާރާތުގެ ޓައިޓަލް ސްޕޮންސާއަކި ތިނަދޫ ސިޓީ ކައުންސިލް އެވެ. އަދި އެސޯސިއޭޓެޑް ޕާޓްނާއެއްގެ ގޮތުގައި އިވެންޓްކާސް މޯލްޑިވްސް ހަމަޖައްސާފައިވާއިރު، ފޮޓޯ ގްރަފީ ޕާޓްނަރަކީ ފޮޓޯ މޯލްޑިވްސް އެވެ. އަދި ބެވަރޭޖް ޕާޓްނަރަކަށް ހަމަޖައްސާފައި ވަނީ ހަތްތަރި ކެފޭ އެވެ.
ފަހުގެ
