އެމްއެންސީސީގެ "އިންސްޓްރަކްޓަރ ކޮލިފިކޭޝަން ކޯސް 3" ގިރިފުށީގައި ފަށައިފި

މޯލްޑިވްސް ނެޝަނަލް ކެޑޭޓް ކޯރ (އެމްއެންސީސީ) ގެ "އިންސްޓްރަކްޓަރ ކޮލިފިކޭޝަން ކޯސް 3" ފަށައިފިއެވެ.

ކޯސް ފެށުމުގެ ގޮތުން މިއަދު އެންސީއޯ އެކެޑަމީ، ކ.ގިރިފުށީގައި ބޭއްވި ރަސްމިއްޔާތު ޝަރަފުވެރިކޮށްދެއްވީ، އެންސީއޯ އެކަޑެމީގެ ޑައިރެކްޓަރ، މޭޖަރ ޙުސައިން ޝާހިދުއެވެ.

މި ކޯހުގައި، ރާއްޖޭގެ އެކިކަންކޮޅުތަކަށް ނިސްބަތްވާ ގިނަ ސްކޫލުތަކަކުން 29 ކެޑޭޓުން ބައިވެރިވެފައިވެއެވެ. 10 ދުވަހަށް ކުރިއަށް ގެންދާ މި ކޯހުގެ ތަމްރީނުގެ ބަައިތައް ގިރިފުށި ޓްރެއިނިންގ ސެންޓަރުގައި ކުރިއަށް ގެންދާއިރު، މި ކޯހުގައި މުދައްރިބުންގެ ގޮތުގައި ހަަރަކާތްތެރިވަނީ އެމްއެންޑީއެފްގެ މުދައްރިބުންނެވެ.

މި ކޯހުގައި ކިޔަވައިދެއްވާ ބައިތަކުގެ ތެރޭގައި، ފުޓް ޑްރިލް، ސްކޮޑް ޑްރިލް، ރައިފަލް ޑްރިލް، ކޭން ޑްރިލް، ފްލެގް ޑްރިލް، ޓީޗިންގ ޓެކްނީކްސްގެ އިތުރުން ފިޒިކަލް ފިޓްނަސް އަދި ސްވިމިންގ ހިމެނެއެވެ.

މި ކޯސް ފެށުމުގެ ރަސްމިއްޔާތުގައި އެންސީއޯ އެކެޑަމީގެ ސީނިއަރ އެންލިސްޓެޑް ލީޑަރ، ފަސްޓް ސާޖަންޓް ޝަކީބް ޒުހައިރުއާއި، މޯލްޑިވްސް ނޭޝަނަލް ކެޑޭޓް ކޯރގެ ޓްރެއިނިންގ އެންޑް ކޯޑިނޭޝަން އޮފިސަރ، ސާޖަންޓް މޭޖަރ ޒުޙައިރު ޙުސައިންއާއި މޯލްޑިވްސް ނޭޝަނަލް ކެޑޭޓް ކޯރގެ އޮފިސަރުންގެ އިތުރުން ކޯހުގެ ޕްރޮގްރާމް ކޯޑިނޭޓަރ، ސާޖަންޓް މޭޖަރ ސަޢީދު ޙަސަން އަދި ކޯހުގެ މުދައްރިބުން ބައިވެރިވެލެއްވިއެވެ.