ޓްރެއިނިންގ ފޯރ ވިމެން މެންޓަރޒް ޕްރޮގްރާމް ކުރިއަށް ގެންގޮސްފި

އިންޓަނޭޝަނަލް ވިޒިޓަރ ލީޑަޝިޕް ޕްރޮގްރާމްގެ އިމްޕެކްޓް އެވޯޑްސް 2024 ގެ ޕްރޮޖެކްޓުގެ ދަށުން ޓްރެއިނިންގ ފޯރ ވިމެން މެންޓަރޒް ޕްރޮގްރާމް ކުރިއަށް ގެންގޮސްފިއެވެ.

މި އޮކްޓޫބަރު މަހުގެ 20 އިން 24 އަށް އިސްކަންދަރު ބިލްޑިންގގައި މި ޕްރޮގްރާމް ކުރިއަށް ގެންގޮސްފައިވަނީ މޯލްޑިވްސް ވިމެން އިން ޕޮލިސިންގ އާއި ނެޝަނަލް ކޮލެޖް އޮފް ޕޮލިސިންގ އެންޑް ލޯ އެންފޯސްމަންޓު ގުޅިގެންނެވެ.

މި ޕްރޮގްރާމުގައި، ވިމެން އިން ލީޑަރޝިޕް، ޑައިވަރސިޓީ އެންޑް އިންކުލޫޝަން އިން ލީޑަރޝިޕް، އިމޯޝަނަލް އިންޓެލިޖެންސް އިން ލީޑަރޝިޕް، އަންޑަސްޓޭންޑިންގ ހިއުމަން މޯޓިވޭޝަން، އޯގަނައިޒޭޝަނަލް ލީޑަރޝިޕް އެންޑް ޗޭންޖް މެނޭޖްމަންޓް، ސްޓްރެޓިޖިކް ޕްލޭނިންގ ފޯރ ލީޑަރޝިޕް ސަކްސެސް، އެތިކްސް އެންޑް އިންޓެގްރިޓީ އިން ލީޑަރޝިޕް އެންޑް ކްރިއޭޓިންގ އެތިކަލް އޯގަނައިޒޭޝަންސް އަދި ނެޓްވޯކިންގ އެންޑް މެންޓަޝިޕް ފަދަ މައުލޫތަކަށް މައުލޫމާތުދީ އަދި ޕްރެޒެންޓޭޝަންތައް ހުށަހަޅާފައިވެއެވެ.

މި ޕްރޮގްރާމުގައި ދިވެހި ފުލުހުންގެ ޚިދުމަތް، މޯލްޑިވްސް ނެޝަނަލް ޑިފެންސްފޯސް، މޯލްޑިވްސް ކަސްޓަމްސް ސާވިސް، މޯލްޑިވްސް އިމިގްރޭޝަން، މޯލްޑިވްސް ކަރެކްޝަނަލް ސާވިސަސް އަދި އޭވިއޭޝަން ސެކިއުރީ ކޮމާންޑު ހިމެނޭގޮތަށް 27 އަންހެން މުވައްޒަފުން ބައިވެރިވިއެވެ.