ބަންޑުން ޖަހާލި ލޯންޗެއްގައި ތިބި ބަޔަކު ސަލާމަތްކޮށްފި

ބަންޑުން ޖަހާލި ލޯންޗެއްގައި ތިބި ބަޔަކު އެމްއެންޑީއެފް އިން ސަލާމަތްކޮށްފި އެވެ.

އެމްއެންޑީއެފް އިން ބުނީ, ތިން މީހުންނާ އެކު ފަރުމަސްވެރިކަން ކުރަމުންދިޔަ ޑިންގީއެއް ބަންޑުން ޖަހާލިކަމުގެ މަޢުލޫމާތު، މިއަދު ހެނދުނު 06:11 ހާއިރު ލިބިފައިވާ ކަމަށެވެ.

އެ މައުލޫމާތު ލިބުމާއެކު އެ ޑިންގީ ހޯދަމުން ދަނިކޮށް އެމްއެންޑީއެފް މާލެ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންއިން ކުރި މަސައްކަތުން އެ ޑިންގީ ހޯދިފައިވަނީ 09:32 ހާއިރު ކަމަށް އެމްއެންޑީއެފުން ބުނެފައިވެއެވެ.

ބަންޑުން ޖަހާލި ޑިންގީގައި ތިބި ތިންމީހުންގެ ހާލުވެސް ރަނގަޅުކަަމަށް އެމްއެންޑީއެފުން ބުނެފައިވެއެވެ.