ކުޑަކުއްޖަކު ރަހީނުކޮށް ބްލެކްމެއިލް ކުރި މައްސަލައެއް ބަލަނީ

ކުޑަކުއްޖަކު ބަރަހަނާކޮށް ވީޑިއޯކޮށް ބްލެކްމެއިލް ކުރި މައްސަލައެއް ފުލުހުން ބަލަން ފަށައިފި އެވެ.

ސޯޝަލް މީޑިއާގައި ދައުރުވަމުން އަންނަ މެސެޖެއްގައި ބުނެފައިވަނީ, ސްކޫލުގައި ކިޔަވަމުންދާ ދަރިވަރަކު ދިރިއުޅޭ ގެއަށް އެހެން ދަރިވަރަކު ވަދެ އެ ކުއްޖާ ރަހީނުކޮށްގެން އެހެން ތަނަކަށް ގެންގޮސް ބަރަހަނާކުރުމަށްފަހު ވީޑިއޯކޮށް ފައިސާ ހޯދުމަށް ބްލެކްމެއިލްކޮށްފައިވާ ކަމަށެވެ.

މިއީ އެ ސްކޫލްގެ ގްރޭޑް 9ގައި ކިޔަވަމުން އަންނަ ދަރިވަރެއް ކަމަށްވެސް އެ ޕޯސްޓުގައި ބުނެފައިވެއެވެ.

މި ހާދިސާއާ ގުޅިގެން ފުލުހުން ބުނީ, އެފަދަ މައްސަލައެއް ފުލުހުންގެ ސަމާލުކަމަށް އައިސްފައިވާ ކަމަށާއި, ކަމާ ގުޅުންހުރި އިދާރާތަކާއި ގުޅިގެން އެކަމާއި ގުޅޭ މައުލޫމާތު ހޯދުމުގެ މަސައްކަތް ކުރަމުން އަންނަ ކަމަށެވެ.